केंद्र सरकारकडून राज्य सरकारला 1566 कोटींची मदत : शेतकर्‍यांच्या बँक खात्यात येणार पैसे
Central government provides Rs 1566 crore aid to state government : Money will be deposited in farmers’ bank accounts मुंबई (20 ऑक्टोबर 2025) : केंद्र सरकारने राज्य सरकारला शेतकर्‍यांना आर्थिक मदत देण्यासाठी एनडीआरएफचा दुसरा अग्रिम हप्ता म्हणून आणखी 1566.40 कोटी रुपये महाराष्ट्रासाठी मंजूर केले आहेत त्यामुळे शेतकर्‍यांना दिलासा मिळाला आहे. या मदतीबद्दल मुख्यमंत्री देवेंद्र फडणवीस यांनी पंतप्रधान नरेंद्र मोदी आणि केंद्रीय गृहमंत्री अमित शाह यांचे आभार मानले आहेत.
मान्सून काळात परतीच्या पावसादरम्यान मराठवाडा आणि सोलापूर भागात शेतकर्‍यांचे शेतीचे पुराने मोठे नुकसान झाले होते. या नुकसानीपोटी राज्य सरकारने 2,215 कोटीची मदत जाहीर केली होती.
केंद्रीय गृहमंत्री अमित शाह यांनी महाराष्ट्र सरकार आणि कर्नाटक सरकारला एसडीआरएफच्या केंद्रीय हिश्शांचा दुसरा हप्ता म्हणून 1,950.80 कोटी रुपये मंजूर केले आहेत. यंदा मान्सून आणि अतिवृष्टीने बाधित झालेल्या शेतकर्‍यांना तातडीची मदत म्हणून या राज्यांना आर्थिक मदत म्हणून 1,950.80 रुपये मंजूर केले असून त्यातील कर्नाटकसाठी 384.40 कोटी रुपये आणि महाराष्ट्रासाठी 1,566.40 कोटी रुपये मंजूर केले आहेत.
केंद्रीय गृहमंत्री आणि सहकार मंत्री अमित शहा यांनी 2025-26 या वर्षासाठी महाराष्ट्र आणि कर्नाटक सरकारांना एसडीआरएफच्या केंद्रीय हिश्श्याचा दुसरा हप्ता म्हणून 1,950.80 कोटी रुपये आगाऊ मंजूर करण्यास मान्यता दिली आहे. या वर्षी नैऋत्य मान्सूनमध्ये अतिवृष्टी आणि पुरामुळे बाधित झालेल्या लोकांना तात्काळ मदत करण्यासाठी या राज्यांना मदत करण्यासाठी 1,950.80 कोटी रुपयांच्या एकूण रकमेपैकी 384.40 कोटी रुपये कर्नाटकसाठी आणि 1,566.40 कोटी रुपये महाराष्ट्रासाठी मंजूर केले आहेत.
