Youth killed in bike-pickup accident at Kingaon bus stand यावल (21 ऑक्टोबर 2025) : यावल तालुक्यातील किनगाव येथील बस स्थानकाजवळ दुचाकी व मालवाहू पिकअप वाहनाचा अपघात घडला. या अपघातामध्ये दुचाकीस्वार 22 वर्षीय तरुण ठार झाला. अपघाताची ही घटना सोमवारी घडली. अपघातानंतर पिकअप वाहनधारक हा यावल पोलिसात हजर झाला. आदित्य उर्फ बाळा प्रमोद पाटील (22, रा.किनगाव बुद्रुक) असे ठार झालेल्या युवकाचे नाव आहे.
असा घडला अपघात ?
किनगाव, ता.यावल येथील बस स्थानकावर सोमवारी दुपारी पल्सर दुचाकी (क्रमांक एम. एच.19 ई.जे. 2170) द्वारे आदित्य उर्फ बाळा प्रमोद पाटील (22, रा.किनगाव बुद्रुक) हा तरुण बस स्थानकावर येत असताना त्यावेळी यावलकडून चोपड्याकडे विद्युत खांब घेऊन पिकअप वाहन (क्रमांक एम. एच. 19 बी. एम. 4332) येत असताना दोन्ही वाहनांचा बस स्थानकावरच अपघात घडला. या अपघातात आदित्य उर्फ बाळा पाटील हा गंभीर जखमी झाला. त्याला उपचाराकरिता तातडीने प्रारंभी गावातील रूग्णालय व नंतर जळगाव जिल्हा शासकीय वैद्यकीय महाविद्यालयाच्या रुग्णालयात दाखल करण्यात आले. त्या ठिकाणी उपचारादरम्यान त्याचा मृत्यू झाला. अपघातानंतर पिकअप वाहन चालक हा वाहन घेऊन यावल पोलिसात हजर झाला.
