Controversially dismissed police officer Ranjit Kasle turns out to be a mobile thief लातूर (22 ऑक्टोबर 2025) : वादग्रस्त बडतर्फ पोलिस अधिकारी रणजीत कासले याला मोबाईल चोरी प्रकरणी अटक करण्यात आली. सुरत पोलिसांनी रणजीत कासलेचा याबाबतचा व्हिडिओ व्हायरल केला आहे. काही दिवसांपूर्वी कासले हा सुरतला गेल्यानंतर त्या ठिकाणी तपासाच्या नावाखाली दोन मोबाईल आणि दोन लाखापेक्षा आधीची रक्कम लुटल्याचे उघड झाले. तक्रारीनंतर आरोपीला लातूर येथून अटक करण्यात आली.
झुकेगा नाही म्हणणारा निघाला मोबाईल चोर
तपासाच्या नावाखाली दोघांना धाकदपटशहा करत त्यांची मोबाईल हिसकावून घेऊन जात असलेल्या रणजीत कासले व्हिडिओत दिसत आहे. त्यानंतर सुरत पोलिसांनी गुन्हा कबूल करत माफी मागणार्‍या रणजीत कासलेचा व्हिडिओ व्हायरल केला आहे. तीन दिवसांपूर्वी रणजीत कासले यास गुजरात पोलिसांनी लातूर शहरातील एमआयडीसी पोलिस ठाण्याच्या हद्दीतून ताब्यात घेतलं होतं. पोलिसांनी ताब्यात घेतल्यानंतर बॉसला अटक झाली, असं सांगत पुष्पा चित्रपटातील अ‍ॅक्शन करत रणजीत कासले गाडीत बसला होता. स्वतःला बॉस म्हणून घेणारा रणजीत कासले सुरतला गेल्यानंतर हात जोडत माफी मागताना दिसला.
लातूरमध्ये आवळल्या मुसक्या
रणजीत कासलेच्या दोन दिवसांपूर्वी 20 ऑक्टोंबरला मध्यरात्रीच्या सुमारास गुजरात पोलिसांनी लातूरमधून अटक केली. गुजरात राज्यातील सुरत आणि आजूबाजूच्या परिसरात झालेल्या जबरी घरफोडी प्रकरणी अटक असलेल्या आरोपींकडून रणजीत कासले यांच्याबाबत माहिती मिळाली. या आरोपींना मदत करणे किंवा इतर सहकार्य पुरवणे अशा स्वरूपाचा संशय गुजरात पोलिसांना असल्याकारणाने त्यांनी दोन दिवसा लातूर शहरात रणजीत कासले यास अटक करण्यासाठी शोध मोहीम सुरू केली होती.
दरम्यान, आत्तापर्यंत सात गुन्हे रणजीत कासलेवर दाखल आहेत. गुजरात पोलिसांचा हा आठवा गुन्हा आहे. बडतर्फ झाल्यानंतर रणजीत कासले याने मोठ्या प्रमाणात सोशल मीडियावर व्हिडीओ करत अनेक खुलासे केले आहेत. अनेक नेत्यांवर आणि अधिकार्‍यांवर आरोपही केले आहेत.
