धुळे (23 ऑक्टोबर 2025) : दरवर्षी रस्ते अपघातात हजारो नागरिकांचा बळी जातो व अपघातात मरणाचे प्रमुख कारण तपासल्यानंतर त्यात अनेकवेळा चालकासह सहप्रवाशाने सीट बेल्ट न लावल्याचे कारण समोर येते. या अनुषंगाने धुळ्यातील देवपूर पोलिसांनी जिल्हावासीयांसह वाहनधारकांमध्ये जनजागृती निर्माण होण्यासाठी प्रवासाला निघताना वाहनात सीटबेल्ट लावावा, असे आवाहन पोलिस निरीक्षक समाधान वाघ यांनी केले आहे.
सीट बेल्ट ही सुरक्षित प्रवासाची पहिली पायरी !
प्रत्येक प्रवासात गाडीतील सर्व प्रवाशांनी सीट बेल्ट लावणं गरजेचे आहे. मागच्या सीटवर बसलो असल्याने काही होणार नाही, असा गैरसमज अनेकांचा जीव धोक्यात टाकू शकतो.
