देवाभाऊ ! तुमच्या पंखाखाली वाढलेले कोल्हे-कुत्रे, आया बहिणींचे लचके तोडत असतील तर गृहमंत्री म्हणून आपण नापासच ! अंबादास दानवेंनी साधला निशाणा
एक्सवर पोस्ट करीत म्हटले, आज लाडक्या बहिणीपेक्षा सुरक्षित बहिण योजना गरजेची !
“Today, a safe sister scheme is more necessary than a beloved sister!” सातारा (25 ऑक्टोबर 2025) : राज्यात लाडक्या बहिणींपेक्षा सुरक्षित बहिण योजना गरजेची असून त्या संदर्भात ‘एक्स’वर पोस्ट करीत विधान परिषदेचे माजी विरोधी पक्षनेते अंबादास दानवे यांनी मुख्यमंत्री देवेंद्र फडणवीस यांच्यावर निशाणा साधला आहे.
अंबादास दानवे यांनी पोस्टमध्ये म्हटले आहे की, मुख्यमंत्री देवेंद्र फडणवीस हे घ्या फलटणमध्ये आपले कर्तव्य करताना गृहखात्याच्या पाईकांकडून छळ झालेल्या महिलेचा तक्रार अर्ज आणि त्यावर झालेल्या कारवाईची माहिती मागणारा माहिती अधिकाराचा दोन महिन्यांनी केलेला अर्ज. याची उत्तरे द्यावी लागतील आपल्याला देवाभाऊ!
काय म्हणाले अंबादास दानवे?
अंबादास दानवे यांनी ‘एक्स’वर पोस्ट करत म्हटले आहे की, मुख्यमंत्री देवेंद्र फडणवीस हे घ्या फलटणमध्ये आपले कर्तव्य करताना गृहखात्याच्या पाईकांकडून छळ झालेल्या महिलेचा तक्रार अर्ज आणि त्यावर झालेल्या कारवाईची माहिती मागणारा माहिती अधिकाराचा दोन महिन्यांनी केलेला अर्ज.
1. एका कर्तव्यदक्ष डॉक्टरच्या तक्रार अर्जावर महिने-महिने कारवाई न करणार्‍या अधिकार्‍यांवर तुम्ही काय कारवाई करणार?
2. ही आत्महत्या नाही तर मुजोर अधिकार्‍यांच्या माजाने घेतलेला एका डॉक्टरचा बळी आहे, हे आपण मान्य करता काय?
3. महिला डॉक्टचे खासदारांशी बोलणे करून देणारे ते दोन पीए कोण?
4. हे खासदार महोदय नेमके कोण?
5. या महिला डॉक्टरला बीडवरून हिणवणारे पीआय महाडिक कुठे आहेत? त्यांच्यावर कारवाई काय झाली?
6. ‘पारदर्शक’ आणि ’गतिमान’ शासन म्हणता, मग हा साधा माहिती अधिकाराचा अर्ज दोन महिने का निकाली निघाला नाही?
7. चॉकलेट गोळ्या वाटून निवडणूक जिंकणारे पालकमंत्री तेव्हा कोणत्या शेतात स्ट्रॉबेरी लावत होते?
8. या डॉक्टरने आपल्या जबाबात सत्य परिस्थिती मांडलेली असताना डीन किंवा अधीक्षकांनी काय कारवाई केली?
आज लाडकी बहीणपेक्षा सुरक्षित बहीण योजनेची जास्त गरज आहे. फडणवीस जी, तुमच्या पंखाखाली वाढलेले कोल्हे-कुत्रे, आया बहिणींचे लचके तोडत असतील तर गृहमंत्री म्हणून आपण नापास आहात. राजीनामा द्या, असा हल्लाबोल अंबादास दानवे यांनी मुख्यमंत्री देवेंद्र फडणवीस यांच्यावर केलाय.
