साक्रीत हवेत गोळीबार करीत पेट्रोल पंप लूटला
25 हजारांच्या मोबाईलसह चोर मोबाईल लांबवले : कर्मचारी 17 मिनिटे ओलीस
Petrol pump robbed by firing in the air in Sakri साक्री (31 ऑक्टोबर 2025) : साक्री तालुक्यातील गंगापूर शिवारात चार दरोडेखोरांनी हवेत गोळीबार करीत पेट्रोल पंप लुटल्याची धक्कादायक घटना समोर आली आहे. दरोडेखोरांनी कर्मचार्‍यांना 17 मिनिटे ओलीस ठेवत 25 हजारांची रोकड तसेच चार मोबाईल लांबवल्याची धक्कादायक घटना गुरुवारी पहाटेच्या सुमारास घडली.
घटना सीसीटीव्ही कॅमेर्‍यात कैद
सुरत-नागपूर महामार्गावर जिओ पेट्रोल पंप आहे. गुरुवारी पहाटे पाच वाजता दोन दुचाकीवर आलेल्या चार दरोडेखोरांनी हवेत दोन राऊंड फायर करीत दहशत निर्माण केली व कर्मचार्‍यांना एका ठिकाणी बोलावत कॅबिनचा ताबा घेतला. कर्मचार्‍यांचे मोबाईल ताब्यात घेत 25 हजारांची रोकड लुटून दरोडेखोर दुचाकीने पसार झाले.
