धुळे गुन्हे शाखेची मोठी कारवाई : तुर व कपाशीआड उगवलेला 12 लाखांचा गांजा जप्त
Dhule Crime Branch’s major operation : Ganja worth Rs 12 lakhs grown in Tur and Cotton seized धुळे (1 नोव्हेंबर 2025) : धुळे स्थानिक गुन्हे शाखेने शिरपूर शहर पोलिस ठाणे हद्दीतील अति दुर्गम भागात तूर व कपाशीआड फुलवलेल्या गांजा शेतीवर कारवाई करीत तब्बल 12 लाख रुपये किंमतीचा 600 किलो गांजा जप्त केला. या कारवाईने गांजा तस्करांच्या गोटात प्रचंड खळबळ उडाली. जितु शिकार्या पावरा (वाडी, ता.शिरपूर) याच्याविरोधात शहर पोलिसात गुन्हा दाखल करण्यात आला. विशेष म्हणजे पथकाने तीन किलोमीटर अंतरावर वाहने लावत दोन डोंगर पार करीत ही कारवाई केली.
गोपनीय माहितीवरून कारवाई
धुळे गुन्हे शाखेचे वरिष्ठ पोलिस निरीक्षक श्रीराम पवार यांना शिरपूर शहर पोलिस स्टेशन हद्दीतील वाडी सुमर्या पाडा शिवारात संशयीत जितु शिकार्या पावरा (वाडी) याने गांजा शेती फुलव्याची माहिती मिळाल्यानंतर त्यांनी पथकासह शुक्रवार, 31 रोजी दुपारी छापेमारी केली. यावेळी तूर व कपाशी पिकाच्या आत शेतजमिनीवर अंदाजे तीन ते पाच फूट उंचीचे गांजाची झाड आढळल्याने पथकाने हा गांजा जप्त केला.
यांनी केली कारवाई
ही कारवाई पोलिस अधीक्षक श्रीकांत धीवरे, अपर पोलिस अधीक्षक अजय देवरे यांच्या मार्गदर्शनाखाली धुळे गुन्हे शाखेचे वरिष्ठ निरीक्षक श्रीराम पवार, शिरपूर शहर निरीक्षक किशोरकुमार परदेशी, एपीआय श्रीकृष्ण पारधी, पोलिस उपनिरीक्षक सुरेश सोनवणे, अंमलदार आरीफ पठाण, कमलेश सुर्यवंशी, राहुल गिरी, पवन गवळी, शिरपूर शहरचे राजेंद्र रोकडे, रवींद्र अखडमल, प्रेमसिंग गिरासे, सचिन माळी, विनोद अखडमल, मनोज दाभाडे, शांतीलाल पावरा, आरीफ तडवी, सोमा ठाकरे, चित्रा पावरा, सुशील पाटील आदींच्या पथकाने केली.
