बस-डंपरच्या भीषण अपघातात धडकेत 20 ठार
तेलंगणात डंपरमध्ये भरलेली खडी प्रवाशांवर कोसळली ; बहुतेक महाविद्यालयीन विद्यार्थी
20 killed in horrific bus-dumper collision रंगारेड्डी (3 नोव्हेंबर 2025) : खडीने भरलेला एक डंपर ट्रक बसवर आदळल्यानंतर झालेल्या अपघातात 20 जणांचा मृत्यू झाला असून 20 हून अधिक जखमी झाले आहेत तर यातील तिघांची प्रकृती गंभीर आहेत. हा भीषण अपघात तेलंगणाच्या रंगारेड्डी जिल्ह्यातील हैदराबाद-बिजापूर राष्ट्रीय महामार्गावर सोमवारी सकाळी घडला.
असा घडला अपघात
अपघातग्रस्त बस तंदूरहून हैदराबादला जात होती. त्यात 70 हून अधिक प्रवासी होते, त्यापैकी बहुतेक विद्यार्थी होते. ते रविवारच्या सुट्टीसाठी घरी गेले होते आणि कॉलेजमध्ये जाण्यासाठी हैदराबादला परतत असताना चुकीच्या दिशेने येणार्‍या डंपरने चेवेल्ला पोलिस स्टेशन परिसरातील खानपूर गेटजवळ बसला धडक दिली. धडक इतकी जोरदार होती की बसचे मोठे नुकसान झाले आणि डंपरमध्ये भरलेलीखडी आत असलेल्या प्रवाशांवर पडली.
