जळगाव शहर पोलिसांची कामगिरी : रथोत्सवाला महिलांचे मंगळसूत्र लांबवणार्या महिलांच्या टोळीला बेड्या
Performance of Jalgaon City Police : Gang of women who were lengthening women’s mangalsutra during Rathotsava arrested जळगाव (4 नोव्हेंबर 2025) : जळगावातील प्रभू श्रीराम रथोत्सवात गर्दीचा फायउदा घेत अनेक महिलांच्या गळ्यातील सोन्याचे मंगळसूत्र चोरणार्या अट्टल महिला गुन्हेगारांच्या टोळीला जळगाव शहर पोलिसांनी बेड्या ठोकल्या आहेत. आरोपी महिलांकडून 40 हजारांचे सोन्याचे दागिने जप्त करण्यात आले आहेत.
काय घडले जळगावात ?
रविवार, 2 नोव्हेंबर रोजी दाणाबाजार परिसरातील अन्नदाता हनुमान मंदिराच्या जवळ श्रीराम रथ आल्याने दर्शनासाठी महिला व पुरुषांची मोठी गर्दी जमल्यानंतर सायंकाळी 6 ते 8 वाजेच्या दरम्यान गर्दीचा फायदा घेऊन काही महिला आरोपींनी दर्शनासाठी आलेल्या महिलांच्या गळ्यातील सुमारे 77 हजार 500 रुपये किंमतीच्या सोन्याच्या मंगळसूत्रातील वाट्या व मणी तोडून चोरी केली होती. या चोरीची तक्रार जळगाव शहर पोलिस ठाण्यात दाखल करण्यात आली.
