जळगावात कामावरून काढल्यानंतर कंत्राटी कर्मचार्याचे टोकाचे पाऊल ; नातेवाईकांनी मृतदेहच महाविद्यालयात आणला
Contract employee’s extreme step after being fired in Jalgaon जळगाव (18 नोव्हेंबर 2025) : कामावरून कमी केल्यानंतर आलेल्या नैराश्यातून कंत्राटी कर्मचार्याने विष प्राशन करीत आत्महत्या केली. महेश सावदेकर असे मृताचे नाव आहे. या प्रकारानंतर संतप्त नातेवाईकांनी मृतदेह महाविद्यालयात आणून संस्थाचालकांविरुद्ध कारवाई करण्याची मागणी केली.
काय घडले जळगावात ?
महेश सावदेकर हे जळगाव शहरातील एका महाविद्यालयात कंत्राटी कर्मचारी म्हणून कार्यरत होते मात्र त्यांना कामावरून कमी करण्यात आले, यामुळे नैराश्यात येऊन त्यांनी विष प्राशन करून आत्महत्या केली. यानंतर संतप्त नातेवाईकांनी मृतदेह महाविद्यालयात आणून संस्थाचालकांविरुद्ध कारवाई करण्यात यावी, अशी मागणी केली.
15 लाख भरल्याचा आरोप
नोकरीत कायम करण्यासाठी 15 लाख रुपये देऊनही कामावरून कमी केल्यामुळे महेश सावदेकर यांनी आत्महत्या केल्याचा आरोप कुटुंबीयांनी केला. कुटुंबीयांनी केलेल्या आरोपानुसार, नोकरीत कायम करण्यासाठी संस्थाचालकांना 15 लाख रुपये दिले होते. मात्र, असे असताना महेश सावदेकर यांना कामावरून कमी केले.
याबाबत संस्थाचालकांकडे विचारणा केली असता संस्थाचालकांनी उडवा-उडवीचे उत्तर देत असल्याने ते तणावात होते. यातूनच त्यांनी आत्महत्या केल्याचा आरोप महेश सावदेकर यांच्या कुटुंबीयांनी केला आहे.
