मालेगावच्या पवारवाडी पोलिसांची मोठी कारवाई : चोरीच्या 52 दुचाकींसह चौकडी जाळ्यात
उत्तर महाराष्ट्रातून लांबवल्या दुचाकी : 13 गुन्ह्यांची उकल
गणेश वाघ
Major action by Pawarwadi police in Malegaon: Four arrested with 52 stolen bikes मालेगाव (24 नोव्हेंबर 2025) : नाशिक ग्रामीणमधील पवारवाडी पोलिसांनी तब्बल 30 लाख रुपये किंमतीच्या 52 चोरीच्या दुचाकी अट्टल चौकडीकडून जप्त केल्या आहेत. आरोपींनी बहुतांश वाहने उत्तर महाराष्ट्रातून चोरी केली असून त्यातील 13 गुन्ह्यांची उकल करण्यात यश आले आहे.
गोपनीय माहितीवरून कारवाई
पवारवाडी ठाण्याचे वरिष्ठ पोलिस निरीक्षक राहुल खताळ यांनी वाढत्या दुचाकी चोरीच्या अनुषंगाने पथकाला सूचना केल्या होत्या व पथकाला चोरट्यांबाबत गोपनीय माहिती मिळाल्यानंतर शेख सारीक उर्फ सार्या (गोल्डन नगर, मालेगाव,), मोहमद शादाब उर्फ सिरीया (अख्तराबाद, मालेगाव) तसेच मुद्दसीर अहमद जमील अहमद (नुरबाग) यांना ताब्यात घेतल्यानंतर त्यांची पोलिसी खाक्या दाखवत चौकशी केल्यानंतर त्यांनी दुचाकी चोरी केल्याची कबुली देत संशयीत शफिकुर रहेमान अताहूर रहेमान उर्फ शफिक टकल्या (महेवी नगर, मालेगाव) याच्याकडे दुचाकी ठेवल्याची माहिती दिल्यानंतर त्यासही ताब्यात घेण्यात आले.
या भागातून लांबवल्या दुचाकी
आरोपींनी मालेगाातील पवारवाडी ठाणे, मालेगाव तालुका ठाणे, नांदगाव ठाणे, येवला शहर ठाणे, देवळा पोलिस ठाणे, छावणी ठाणे, अमळनरे, इंद्रनगर ठाणे, भद्रकाली ठाणे नाशिक, तसेच शांती नगर पोलिस ठाणे भिवंडी, निजामपुरा पोलिठाणे, भिवंडी, वजीराबाद पोलिस ठाणे हद्दीतून दुचाकी चोरी केल्याचे स्पष्ट झाले. आतापर्यंत 13 गुन्ह्यांची उकली झाली असून मालकही स्पष्ट झाले आहेत.
यांनी केली कारवाई
ही कारवाई नाशिक ग्रामीण जिल्हा पोलीस अधीक्षक बाळासाहेब पाटील, अपर पोलीस अधीक्षक तेगबिर सिंह संधू तसेच मालेगाव शहर उपविभागाचे सहायक पोलिस अधीक्षक सिध्दार्थ बरवाल यांच्या मार्गदर्शनाखाली पवारवाडी पोलिस निरीक्षक राहुल खताळ, एपीआय किरण पाटील, हवालदार राकेश उबाळे, हवालदार संतोष सांगळे, निलेश निकम, उमेश खैरनार, विनोद चव्हाण, नवनाथ शेलार, सचिन राठोड यांच्या पथकाने केली.
