धूम स्टाईल चैन चोरट्यांना एमआयडीसी पोलिसांनी ठोकलया बेड्या
MIDC police arrest Dhoom style chain thieves जळगाव (24 नोव्हेंबर 2025) : धूम स्टाईल महिलेच्या गळ्यातील सोनसाखळी लांबवणार्या चोरट्यांच्या दुकलीला एमआयडीसी पोलिसांनी बेड्या ठोकल्या आहेत. आरोपींकडून आठ ग्रॅम वजनाची सोन्याची लगड जप्त करण्यात आली.
काय घडले जळगावात
रविवार, 16 नोव्हेंबर रोजी अयोध्या नगरातील महिला दुचाकीने घरी परतत असताना मागून आलेल्या दोन अज्ञात दुचाकीस्वारांनी तिच्या गळ्यातील सोनसाखळी धूम स्टाईल लांबवली होती. एमआयडीसी पोलिसात गुन्हा दाखल झाल्यानंतर मंगळवार. 18 नोव्हेंबर रोजी माऊली नगर भागातून तेजस अनिल ईखणकर (रा. ज्ञानदेव नगर, जळगाव) यास ताब्यात घेत त्याने साथीदार प्रसाद उर्फ परेश संजय महाजन (रा.ज्ञानदेव नगर) चे नाव सांगितत्याने त्यासही ताब्यात घेण्यात आले. विशेष म्हणजे प्रसाद उर्फ परेश हा शनिपेठ पोलिस ठाण्यातील खुनाच्या गुन्ह्यातून पसार आहे. आरोपींकडून आठ ग्रॅम वजनाची (किंमत अंदाजे 80 हजार) लगड जप्त करण्यात आली.





