Indian stock market sees bullish trend : Foreign investors return मुंबई (10 फेब्रुवारी 2026) : भारतीय शेअर बाजारातील परदेशी गुंतवणूकदारांचा रस पुन्हा वाढला असून परदेशी संस्थात्मक गुंतवणूकदार म्हणजे ऋखखी आता पुन्हा खरेदी करत असल्याने भारतीय बाजारात तेजीचा ओघ पाहायला मिळत आहे.
गेल्या नऊ ट्रेडिंग सत्रांमध्ये एफआयआय भारतीय बाजारात निव्वळ खरेदीदार राहिले आणि इक्विटीजमध्ये दोन अब्ज पेक्षा जास्त गुंतवणूक करण्यात आली. अलीकडच्या काळात झालेल्या तेजीमुळे गुंतवणूकदारांमध्ये प्रश्न निर्माण झाला आहे की ही केवळ तात्पुरती वाढ आहे की बाजारातील नव्या तेजीची सुरुवात आहे? त्यामुळे देशांतर्गत बाजारातील तेजी टिकाऊ आहे की नाही याबद्दल कोणताही अंतिम निष्कर्ष काढणे अद्याप घाईचे आहे असे तज्ज्ञांचे मत आहे.
शेअर बाजारात परदेशी गुंतवणूकदारांचा कमबॅक
28 जानेवारी ते 6 फेब्रुवारी दरम्यान नऊ दिवसांपैकी सहा दिवसांत परदेशी गुंतवणूकदारांनी मोठ्या प्रमाणात खरेदी केली, तर तीन दिवसांत विक्री करून नफा बुकिंग केली. आदल्या दिवशी, 9 फेब्रुवारीच्या तात्पुरत्या आकडेवारीनुसार, विदेशी गुंतवणूकदार संस्थांनी भारतीय शेअर बाजारात निव्वळ 2,223 कोटी रुपयांची गुंतवणूक केली. भारतीय बाजारात पूर्वी मोठी विक्री झाली होती, ज्यामुळे देशांतर्गत मार्केटचे मूल्यांकन इतर आशियाई बाजारांच्या तुलनेत अधिक आकर्षक बनले असताना अलीकडेच खरेदीचा ओघ पाहायला मिळाला.
