भुसावळ यार्डातील आरपीएफच्या नव्या इमारतीचे उद्घाटन

उद्घाटनानंतर प्रधान मुख्य सुरक्षा आयुक्तांनी आरपीएफ डॉग स्क्वॉडला भेट देत तेथील सुविधांची पाहणी केली. वरिष्ठ मंडल सुरक्षा आयुक्त, भुसावळ यांच्या उपस्थितीत डॉग स्क्वॉडचे सविस्तर निरीक्षण करण्यात आले. स्फोटक शोध, गुन्हे प्रतिबंध व विशेष मोहिमांमध्ये डॉग स्क्वॉडची भूमिका महत्त्वपूर्ण असल्याचे यावेळी नमूद करण्यात आले.
याच कार्यक्रमादरम्यान चार नवीन ‘रॉयल एनफिल्ड बुलेट’ मोटारसायकलींना संयुक्तरित्या हिरवा झेंडा दाखवून फ्लॅग ऑफ करण्यात आले. या मोटारसायकलींच्या माध्यमातून यार्ड व रेल्वे परिसरात गस्त अधिक वेगाने आणि प्रभावीपणे करता येणार आहे. त्यामुळे संशयास्पद हालचालींवर तातडीने नियंत्रण ठेवणे सुलभ होणार आहे.

कार्यक्रमास रेल्वे सुरक्षा बलाचे अधिकारी, कर्मचारी तसेच विविध विभागांचे प्रतिनिधी उपस्थित होते. नव्या इमारतीमुळे आणि आधुनिक साधनसामग्रीच्या उपलब्धतेमुळे भुसावळ विभागातील रेल्वे सुरक्षेला अधिक बळ मिळणार असल्याचे यावेळी सांगण्यात आले.