भुसावळ विभागात रेल्वे तिकीट तपासणीसाची कामगिरी : 78 प्रकरणातून 2.57 लाखांची वसुली
Railway Ticket Inspection Performance in the Bhusawal Division: Recovery of ₹2.57 Lakhs from 78 Cases भुसावळ (17 मार्च 2026) : रेल्वे महसुलाचे संरक्षण करण्याच्या दृष्टीने भुसावळ विभागातील तिकीट तपासणी कर्मचार्यांनी उत्कृष्ट दक्षता आणि कार्यतत्परता दाखवली आहे. भुसावळ विभागातील सुविधा विभागात कार्यरत असलेले तिकीट तपासणी कर्मचारी सी.पी.बाढे यांनी 15 मार्च 2026 रोजी तिकीट तपासणी मोहिमेदरम्यान उल्लेखनीय कामगिरी बजावली.
सतर्क व पद्धतशीर तिकीट तपासणीद्वारे बढे यांनी तिकीटविरहित/अनियमित प्रवासाच्या एकूण 78 प्रकरणांची नोंद करत दोन लाख 57 हजार 650 रुपयांचा दंड वसुल केला.
नियमित व कडक तिकीट तपासणी मोहिमेमुळे तिकीटविरहित प्रवासाला आळा बसण्यास मदत होते तसेच वैध तिकीट असलेल्या प्रवाशांना योग्य आसन व्यवस्था आणि अधिक आरामदायी प्रवासाचा लाभ मिळतो. अशा कारवाईमुळे गाड्यांमध्ये शिस्त राखली जाते आणि एकूणच प्रवाशांच्या सोयीसुविधांमध्ये सुधारणा होते.
बढे यांची ही उत्कृष्ट कामगिरी व्यावसायिक अंमलबजावणीची परिणामकारकता दर्शविते तसेच रेल्वे नियमांचे पालन सुनिश्चित करताना रेल्वे महसुलाचे संरक्षण करण्यासाठी तिकीट तपासणी कर्मचार्यांची निष्ठा अधोरेखित करते.
समोरच्या पंक्तीत कार्यरत कर्मचार्यांनी केलेली अशी सक्रिय कामगिरी इतरांसाठी प्रेरणादायी ठरते आणि मध्य रेल्वेच्या भुसावळ विभागात प्रवासी शिस्त राखण्यास तसेच महसूल संरक्षण अधिक मजबूत करण्यास मोलाचे योगदान देते.
