रावेर येथे उद्या भव्य रोजगार मेळावा

जळगाव (सोमवार, 10 ऑगस्ट 2026) : सामाजिक बांधिलकी जोपासण्याच्या माध्यमातून डॉ.केतकी पाटील फौंडेशन आणि कौशल्य रोजगार उद्योजकता मार्गदर्शन केंद्र , जळगाव यांच्या संयुक्त विद्यमाने मंगळवार, 11 ऑगस्ट रोजी रावेर येथे भव्य रोजगार मेळाव्याचे आयोजन करण्यात आले आहे. या मेळाव्यात शेकडो युवकांना रोजगार देण्यात येणार असल्याचा मानस आहे.

वाढदिवसाचे औचित्य साधून मेळावा
गोदावरी फाऊंडेशनच्या संचालिका तथा भारतीय जनता पक्ष जळगाव जिल्हा पूर्वच्या जिल्हा सरचिटणीस डॉ.केतकी पाटील यांच्या वाढदिवसाचे औचित्य साधून युवकांसाठी रोजगार मेळाव्याचे आयोजन करण्यात आले आहे. हा मेळावा मंगळवार, 11 ऑगस्ट रोजी सरदार जी.जी.हायस्कुलच्या जिमखाना हॉलमध्ये सकाळी 10 ते दुपारी 2 या वेळेत आयोजित करण्यात आला आहे.