भुसावळात अंमली पदार्थविरोधी पोस्टर स्पर्धेला उत्स्फूर्त प्रतिसाद
जळगाव जिल्हा पोलीस दलाचा उपक्रम : तीन शाळांमध्ये रंगली स्पर्धा
Bhusawal: Anti-Drug Poster Competition Held Under ‘Mission Ride’ Campaign भुसावळ (सोमवार, 10 ऑगस्ट 2026) : जळगाव पोलीस दलाच्या वतीने ‘मिशन राईज’ या जनजागृती मोहिमेअंतर्गत भुसावळ शहरात अंमली पदार्थविरोधी पोस्टर स्पर्धेचे सोमवार, 10 रोजी यशस्वी आयोजन करण्यात आले. शहरातील तीन शाळांमध्ये झालेल्या या स्पर्धेत शेकडो विद्यार्थ्यांनी उत्स्फूर्तपणे प्रतिसाद नोंदवला.
पोलीस अधीक्षकांची संकल्पना
पोलीस अधीक्षक श्रीकांत धिवरे यांच्या संकल्पनेतून ‘मिशन राईज’ ही मोहीम राबविण्यात येत आहे. अंमली पदार्थांना प्रतिबंध, इतरांना प्रेरणा, ‘मिशन’चा आधार आणि अमली पदार्थमुक्त समाज साकारण्याचा संदेश विद्यार्थ्यांपर्यंत पोहोचविणे हा या उपक्रमाचा उद्देश आहे.
तीन शाळांमध्ये पोस्टर स्पर्धा मंत्री सावकारे यांची उपस्थिती विद्यार्थ्यांना अंमली पदार्थांच्या दुष्परिणामांची माहिती यावेळी उपस्थित विद्यार्थी व शिक्षकांना ‘अमली पदार्थ विरोधी शपथ’ देण्यात आली. जळगाव पोलीस दलाने विद्यार्थ्यांच्या उत्स्फूर्त सहभागाबद्दल त्यांचे आभार मानत अंमली पदार्थमुक्त समाज निर्मितीसाठी सर्वांनी सहकार्य करण्याचे आवाहन केले आहे.
भुसावळ शहरातील बियाणी मिलिटरी स्कूल, कमल गणपती हॉल आणि ताप्ती पब्लिक स्कूल या तीन ठिकाणी पोस्टर स्पर्धा घेण्यात आली. विद्यार्थ्यांनी अंमली पदार्थांच्या दुष्परिणामांवर आधारित विविध संदेश आणि चित्रांच्या माध्यमातून जनजागृती केली.
या कार्यक्रमाला राज्याचे वस्त्रोद्योग मंत्री संजय सावकारे तसेच अपर पोलीस अधीक्षक संदीप गावित यांची प्रमुख उपस्थिती लाभली. भुसावळ उपविभागातील पोलीस अधिकारी व अंमलदारही मोठ्या संख्येने उपस्थित होते.
कार्यक्रमादरम्यान उपस्थित मान्यवर व पोलीस अधिकार्यांनी विद्यार्थ्यांना अंमली पदार्थांचे दुष्परिणाम, व्यसनाधीनतेचे धोके आणि अमली पदार्थविरोधी चळवळीचे महत्त्व याबाबत मार्गदर्शन केले. विद्यार्थ्यांनी निरोगी व सुरक्षित समाजासाठी कटिबद्ध राहण्याचा संदेश दिला.
