भुसावळात जीएनआरएफतर्फे रक्तदान शिबिर

भुसावळ (रविवार, 16 ऑगस्ट 2026) : स्वातंत्र्य दिनाचे औचित्य साधून दावते इस्लामी इंडिया यांच्या सामाजिक विभाग जीएनआरएफ (गरीब नवाज रिलीफ फाउंडेशन) यांच्या वतीने भुसावळ शहरात रक्तदान शिबिराचे आयोजन करण्यात आले. उद्घाटन भुसावळ बाजार पोलीस ठाण्याचे उपनिरीक्षक निवांत जाधव यांच्याहस्ते करण्यात आले.

यांची होती उपस्थिती
यावेळी नगरपालिकेचे उपमुख्याधिकारी परवेज शेख, नगरसेवक आसीफ खान उर्फ मक्का भाई तसेच फिरोज शेख यांची प्रमुख उपस्थिती होती. शिबिरात 50 हून अधिक रक्तदात्यांनी स्वेच्छेने रक्तदान करून गरजू रुग्णांच्या मदतीसाठी आपले योगदान दिले. रक्तदानापूर्वी रक्तदात्यांची आवश्यक आरोग्य तपासणी करण्यात आली तसेच संपूर्ण प्रक्रियेत स्वच्छता व सुरक्षिततेची विशेष काळजी घेण्यात आली.