जैन इरिगेशनला आयएसएई चा ‘इंडस्ट्री एक्सलन्स अवॉर्ड’

जळगाव (शुक्रवार, 9 ऑक्टोबर 2026) : कृषी अभियांत्रिकी, तांत्रिक नवोपक्रम आणि शाश्वत शेतीतील उल्लेखनीय योगदानाबद्दल इंडियन सोसायटी ऑफ ग्रीकल्चरल इंजिनिअर्सतर्फे जैन इरिगेशनला ‘इंडस्ट्री एक्सलन्स अवॉर्ड’ पुरस्कार श्रीनगर येथे नुकताच प्रदान करण्यात आला. आयएसएईचे अध्यक्ष डॉ.एस.एन.झा यांच्याहस्ते कंपनीच्यावतीने वरिष्ठ सहकारी, कृषी अभियंता सोमनाथ जाधव यांनी हा पुरस्कार स्वीकारला.

जैन इरिगेशनने प्रिसिजन फार्मिंग, सूक्ष्मसिंचन, संरक्षित शेती आणि क्लायमेट-स्मार्ट ग्रीकल्चरमधील आपल्या अग्रगण्य कार्याद्वारे भारतीय शेतीत परिवर्तन घडवून आणण्यात पुढाकार घेतला आहे. कंपनीने ठिबक आणि तुषार सिंचन, फर्टिगेशन, क्लायमेट स्मार्ट सोल्युशन्स, हरितगृहे, प्रगत टिश्यू कल्चर लागवड साहित्य, सौरऊर्जेवर चालणार्‍या सिंचन प्रणाली आणि आधुनिक जल व्यवस्थापन तंत्रज्ञान इत्यादींचा समावेश असलेले एकात्मिक कृषी उपाय विकसित केलेले आहेत.
‘मोअर क्रॉप पर ड्रॉप’ हे जैन इरिगेशनचे ब्रीदवाक्य आहे. त्यानुसार जैन इरिगेशनने शेतकर्‍यांना पाणी आणि पोषक घटकांच्या वापराची कार्यक्षमता सुधारण्यास, पिकांची उत्पादकता वाढवण्यास, लागवडीचा खर्च कमी करण्यास आणि अधिक परतावा मिळवण्यास मदत केली आहे. हरितगृह शेती, उच्च-तंत्रज्ञान फलोत्पादन आणि शाश्वत शेती यांमधील उपक्रमांमुळे संसाधनांचा कार्यक्षम वापर करणार्‍या शेतीला चालना मिळाली आहे; तसेच कंपनीचे हवामान-अनुकूल उपाय बदलत्या हवामान परिस्थितीशी आणि वाढत्या पाणीटंचाईशी जुळवून घेण्यास शेतकर्‍यांना मदत करतात.

संशोधन, नवोपक्रम आणि प्रत्यक्ष शेतावरील अंमलबजावणी यांवर विशेष भर देऊन, जैन इरिगेशन कृषी अभियांत्रिकी आणि प्रत्यक्ष शेतीचे व्यवहार यांमधील दुवा साधण्याचे अविरतपणे कार्य करत आहे. जैन इरिगेशनकडे 800 हून अधिक तज्ज्ञ कृषी अभियंत्यांची समर्पित टीम आहे, जी तंत्रज्ञान विकास, शेतकरी प्रशिक्षण आणि आधुनिक कृषी पद्धतींचा अवलंब यांमध्ये महत्त्वपूर्ण योगदान देत आहे.