भुसावळातील शासकीय औद्योगिक प्रशिक्षण संस्थेत पोक्सो कायद्यासह बालविवाह मुक्त भारत अभियानावर जनजागृती

बालविवाह ही सामाजिक समस्या दूर करण्यासाठी विद्यार्थी, पालक, शिक्षक आणि समाजातील प्रत्येक घटकाने सक्रिय भूमिका घ्यावी. बालकांवरील अत्याचार किंवा बालविवाहाची घटना निदर्शनास आल्यास संबंधित यंत्रणेला माहिती देऊन बालकांच्या संरक्षणासाठी पुढाकार घ्यावा, असे आवाहन करण्यात आले.

‘बालविवाह मुक्त भारत’ घडविण्यासाठी जनजागृती, कायद्याची प्रभावी अंमलबजावणी आणि सामाजिक सहभाग आवश्यक आहे, असा संदेश या कार्यक्रमातून देण्यात आला. कार्यक्रमाच्या माध्यमातून विद्यार्थ्यांमध्ये बालहक्क, सुरक्षितता, कायदेविषयक जागरूकता आणि सामाजिक जबाबदारीची भावना निर्माण करण्याचा प्रयत्न करण्यात आला.

कार्यक्रमाचे आयोजन शासकीय औद्योगिक प्रशिक्षण संस्थेचे प्राचार्य एम.एस.राजपूत, एल.आर.पाटील, जे.ए.तायडे, जे.व्ही.भोळे, एम.बी.काळे, महिला व बालक सहाय्य कक्ष समुपदेशक भाग्यश्री सोनवणे, जस्ट राईट्स फॉर चिल्ड्रेन प्रकल्प आधार बहुउद्देशीय संस्था प्रतिनिधी मोहिनी धनगर, दीपाली हिवाळे, समाधान पाटील, सुनील जगन हिवाळे यांचा सहभाग होता.