जिल्हास्तरीय बॉक्सिंग स्पर्धेत भुसावळातील श्री संत गाडगे महाराज शाळेच्या विद्यार्थ्यांचा डंका
श्री संत गाडगे महाराज हिंदी विद्यालयाच्या विद्यार्थ्यांनी बॉक्सिंग स्पर्धेत यश मिळवले
भुसावळ (शनिवार, 17 ऑक्टोबर 2026) : भुसावळ शहरातील श्री संत गाडगे महाराज हिंदी विद्यालयाच्या विद्यार्थ्यांनी नुकतीच जिल्हास्तरीय बॉक्सिंग स्पर्धा (14 वर्षांखालील) जिंकली. या विद्यार्थ्यांची विभागीय स्तरासाठी निवड झाली. कुमार लव प्रमोद तायडे (वजन 28-30) आणि सनी गणेश केवट (वजन 40-42) यांनी प्रथम क्रमांक पटकावला तर साहिल विलास बाविस्कर (वजन 46) याने 19 वर्षांखालील गटात प्रथम क्रमांक मिळवला.
खेळाडू राज्यस्तरीय स्पर्धेसाठी पात्र
नाशिकच्या हिरावाडी येथील विभागीय संकुलात झालेल्या विभागीय स्तरावरील बॉक्सिंग स्पर्धेत, कुमार लव प्रमोद तायडे याने 14 वर्षांखालील गटात,सनी गणेश केवट याने 19 वर्षांखालील गटात,तर साहिल विलास बाविस्कर (वजन 46) याने 19 वर्षांखालील गटात प्रथम क्रमांक पटकावून राज्यस्तरीय स्पर्धेसाठी पात्रता मिळवली. या प्रसंगी हिंदी सेवा मंडळ मंत्री मधुलता शर्मा, हिंदी सेवा मंडळाचे सर्व अधिकारी आणि शाळेचे प्राचार्य के.बी.सक्सेना यांनी विद्यार्थ्यांचा सत्कार केला.
