बेवारस बॅग भुसावळ स्थानकाबाहेर ठेवून चार यंत्रणा वेठीला : युपीतील प्रवाशावर दंडात्मक कारवाई

Leaving unattended bags outside Bhusawal station, four systems were bypassed: Punitive action against passenger from UP भुसावळ : जंक्शन रेल्वे स्थानकाच्या उत्तर दिशेला बेवारसरीत्या बॅग ठेवून सुरक्षा यंत्रणांची झोप उडवणार्‍या उत्तरप्रदेशातील रेल्वे प्रवाशाला गुरुवारी रात्री ताब्यात घेतल्यानंतर त्याचा जवाब नोंदवण्यात आला. रात्री उशिरा बेवारसरीत्या रेल्वे स्थानकात बॅग ठेवून अस्वच्छता निर्माण केल्याप्रकरणी रेल्वे प्रवासी रजतकुमार बदलू (19, लालगंज, जि.उनाव, उत्तरप्रदेश) याच्या विरोधात 145 ब रेल्वे अ‍ॅक्ट अन्वये पाचशे रुपये दंडात्मक कारवाई करण्यात आली व नंतर प्रवाशाची सुटका करण्यात आली.

यावल तालुक्यातील अल्पवयीन मुलीवर अत्याचार : आरोपीला अटक

चार तास यंत्रणा वेठीला
रेल्वे स्थानकाच्या उत्तर दिशेला प्रवासी बाहेर पडण्याच्या बाजूला असलेल्या गेटजवळ उत्तरप्रदेशातून बंग्लोर येथे सेंट्रींग काम करण्यासाठी निघालेल्या 12 तरुण प्रवाशांपैकी एका तरुणाने बॅग बेवारसरीत्या ठेवल्याची घटना गुरुवारी दुपारी चार वाजता उघडकीस आली होती. बॅगेत औषधे सांडल्यानंतर ती ओली झाल्याने प्रवाशाने बॅग बेवारसरीत्या स्थानकाबाहेर सोडली असलीतरी त्यात बॉम्ब असल्याच्या शक्यतेने सुरक्षा यंत्रणा पुरत्या हादरल्या होत्या. जळगावच्या बीडीडीएस पथकाने सायंकाळी सात वाजता तपासणी अंती बॅगेत काही संशयास्पद नसल्याचा निर्वाळा दिल्यानंतर यंत्रणेसह प्रवाशांनी सुटकेचा श्वास घेतला होता.