व्यक्तिगत जीवन ही समाजाची संपत्ती ; नितीमूल्याद्वारे तिचे संरक्षण करणे ही कलाकाराची जबाबदारी
युवारंग महोत्सवात सिने नाट्यकलावंत ओमकार भोजने यांनी जिंकली तरुणाईची मने
Individual life is the wealth of society ; It is the artist’s responsibility to protect it through ethics फैजपूर : कला विश्वात वावरत असताना आपले व्यक्तिगत जीवन हे समाजाची संपत्ती असल्याने नितीमुल्यांच्या माध्यमातून तिचे संरक्षण करणे ही एका कलाकाराची जबाबदारी आहे, असे विचार सिने नाट्यकलावंत ओमकार भोजने यांनी येथे व्यक्त केले. सळसळत्या तरुणाईचा उत्साहात फैजपूर नगरीतील धनाजी नाना महाविद्यालयात होत असलेल्या युवारंग महोत्सवात प्रमुख अतिथी म्हणून ते बोलत होते.
सामाजिक जवाबदारीचे भान असणे गरजेचे
भोजने म्हणाले की, युवकांसाठी अभिनय आणि कलासृष्टीत पदार्पण करत असताना संघर्ष करण्याची तयारी आणि त्यासोबतच सामाजिक जबाबदारीचे भान या गोष्टी अत्यंत महत्त्वाच्या आहेत. समोर उपस्थित कलाकारांना आवाहन करताना ते म्हणाले की ,कलाक्षेत्रात युवारंगमधील सर्व कलावंतांचे स्वागत आहे. भविष्यात तुम्हीही माझ्यापेक्षा मोठे कलाकार व्हाल, अशा शुभेच्छाही त्यांनी दिल्या. ते म्हणाले की, युवकांसाठी अभिनय आणि कलासृष्टीत पदार्पण करत असताना संघर्ष करण्याची तयारी आणि त्यासोबतच सामाजिक जबाबदारीचे भान या गोष्टी अत्यंत महत्त्वाच्या आहेत. कला विश्वात वावरत असताना आपले व्यक्तिगत जीवन हे समाजाची संपत्ती असते म्हणून नितीमुल्यांच्या माध्यमातून तिचे संरक्षण करणे ही एका कलाकाराची जबाबदारी आहे.
खानदेश कर्तृत्वाची खान : युवारंग कार्याध्यक्ष राजेंद्र नन्नवरे
कार्याध्यक्ष राजेंद्र नन्नवरे म्हणाले की, युवारंग हा पाच दिवसांचा कार्यक्रम खास तुम्हा तरुणांसाठी असून कार्यक्रम राबवताना अडचणी येतातच परंतु त्या कार्यक्रमातून अनेक विद्यार्थी घडत असतात. हा विद्यापीठाचा या मागचा हेतू आहे आणि म्हणूनच पूर्ण महाराष्ट्रात तर महाराष्ट्र विद्यापीठात गेल्या अनेक वर्षापासून हा कार्यक्रम यशस्वीपणे आयोजित करण्यात येत आहे. या युवा रंग कार्यक्रमात जळगावसह धुळे व नंदुरबार या तिघे जिल्ह्यातील शेकडो विद्यार्थी सहभाग घेऊन आनंदाची धमाल करतात. नवी पिढी वाचन, मनन करत नाही असा आक्षेप असून सोशल मीडियाच्या आहारी गेल्याा आरोपही होतो परंतु ही नवी पिढी किती कल्पक आणि नवनवीन कार्य करण्यास तत्पर असते हे सुद्धा महत्त्वाचे आहे. खानदेश हा कर्तृत्वाची खान असून खानदेश कन्या बहिणाबाई या सर्व गुण संपन्न कवयित्री होत्या, असेही ते म्हणाले.
विद्यार्थ्यांच्या कलागुणांना मोठी संधी : डॉ.सुनील कुलकर्णी
विद्यार्थी विकास अधिकारी डॉ.सुनील कुलकर्णी यांनी प्रास्ताविक करताना सांगितले की, तिन्ही जिल्ह्यातील लहान-मोठ्या सर्वच महाविद्यालयातील कलावंत विद्यार्थ्यांसाठी अतिशय मोठा असा हा युवारंग उत्सव आहे. ज्याच्या माध्यमातून दरवर्षी कलाकारांच्या कलागुणांना वाव मिळतो. समाजात त्यांची वेगळी ओळख निर्माण होत असते म्हणूनच विद्यार्थी जीवनात युवकांसाठी लाखो रुपये खर्च करून विद्यापीठ अशा प्रकारचा कार्यक्रम राबवीत असते या कार्यक्रमाचा सर्व कलाकारांनी अतिशय आनंदाने, उत्साहाने आणि सामंजस्याने आस्वाद घ्यावा व आपल्या अंगी असलेल्या कलांचे प्रदर्शन करावे.
कला विश्वात व सामाजिक कामात वर्चस्वाची संधी डॉ.संतोष चव्हाण
युवारंगचे प्रमुख पाहुणे म्हणून उच्च व तंत्र शिक्षण विभाग, जळगाव सहसंचालक डॉ.संतोष चव्हाण म्हणाले की, महाविद्यालयीन जीवनात अशा प्रकारच्या महोत्सवांसाठी शासनातर्फे लागणारी योग्य ती मदत योग्य त्यावेळी करण्यात येईल. विद्यार्थ्यांनी अभ्यासासोबतच कला विश्वात आणि इतर सामाजिक कामातही आपले वर्चस्व दाखवावे.
सामाजिक आणि शैक्षणिक जीवनाची सांगड म्हणजे युवरंग : कुलगुरू डॉ.व्ही.एल.माहेश्वरी
कुलगुरू डॉ.व्ही.एल.माहेश्वरी यांनी आपल्या अध्यक्षीय भाषणात युवक महोत्सव म्हणजे सामाजिक आणि शैक्षणिक जीवनाची सांगड घालणारा एक रंगीत महोत्सव असल्याचे सांगितले. या रंगीत महोत्सवाच्या माध्यमातून युवकांनी आपल्या प्रतिभांना, कलागुणांना जगासमोर सादर करावे आणि एक यशस्वी कलाकार म्हणून समाजात नावलौकिक मिळवावा.
आमदार शिरीष चौधरींच्या ‘छुपे रुस्तम’ गाण्याने मिळवली दाद
स्वागताध्यक्ष तथा तापी परीसर विद्यामंदिर फैजपूर संस्थाध्यक्ष आमदार शिरीष मधुकरराव चौधरी यांनीही आपल्या भाषणात युवारंग म्हणजे केवळ रंगीत कलांचा उत्सव नसून याच्या माध्यमातून ऐतिहासिक आणि सामाजिक घटनांचा परामर्श मांडला गेला पाहिजे, असा आशावाद व्यक्त केला. ऐतिहासिक घटनांची जान करून देण्यासाठी फैजपूर येथे भरलेल्या 1936 च्या राष्ट्रीय ग्रामीण अधिवेशनाची आठवण करून देत सर्व हुतात्म्यांच्या कार्याची आठवण या निमित्ताने करून दिली. छुपे रुस्तम हे गाणं सादर करीत त्यांनी उपस्थित तरुणाईची दाद मिळवली.
