चोरीच्या दोन दुचाकींसह अट्टल चोरटा एमआयडीसी पोलिसांच्या जाळ्यात

Attal thief with two stolen bikes in MIDC police net जळगाव : एमआयडीसी पोलिसांनी अट्टल दुचाकी चोरट्याच्या मुसक्या बांधत त्याच्याकडून चोरीच्या दोन दुचाकी जप्त केल्या आहेत. आरोपीने घरफोडीची देखील कबुली दिली आहे. इश्तीयाक अली राजीक अली (20, रा. तांबापुरा) असे अटकेतील आरोपीचे नाव आहे.

कारागृहातून घेतले ताब्यात
तांबापुर्‍यात सादीन शब्बीर पटेल यांच्याकडे आरोपीने 50 हजारांची घरफोडी केली होती. 2 फेब्रुवारी रोजी घडलेल्या घरफोडीप्रकरणी आरोपी इश्तीयाकला अटक करण्यात आल्यानंतर रोकड जप्त करून आरोपीची कारागृहात रवानगी करण्यात आली मात्र आरोपीने खेडी रोड परीसरातून चोरी केल्याची माहिती मिळाल्यानंतर त्यास न्यायालयाच्या परवानीने कारागृहातून ताब्यात घेत दुचाकी चोरीच्या गुन्ह्यात अटक करण्यात आली. चौकशीदरम्यान आरोपीने दोन दुचाकी चोरल्याची कबुली दिली. आरोपीला गुरुवार. 9 फेब्रुवारी रोजी न्यायालयात हजर करण्यात आले असता त्यास सोमवार, 13 फेब्रुवारीपर्यंत पोलिस कोठडी सुनावण्यात आली.