भुसावळातील नाहाटा महाविद्यालयाला नॅककडून ‘अ’ मानांकन

Nahata College in Bhusawal has got ‘A’ rating from NAAC भुसावळ : शहरातील ताप्ती एज्युकेशन सोसायटी संचलित भुसावळ कला विज्ञान आणि पु, ओं. नाहाटा वाणिज्य महाविद्यालयाला नॅककडून ‘अ’ म ानांकन मिळाले असल्याची माहिती ताप्ती एज्युकेशन संस्थेचे अध्यक्ष मोहन फालक यांनी पत्रकार परीषदेत बुधवारी दुपारी दिली. फालक म्हणाले की, सलग चौथ्यांदा ‘अ’ मानांकन पटकावणारे उमवि कार्यक्षेत्रात केवळ नाहाटा महाविद्यालय असून ही भुसावळसाठी गौरवास्पद बाब आहे.

अन्य महाविद्यालये करणार आता नाहाटाचा अभ्यास
मोहन फालक म्हणाले की, जी महाविद्यालये यापुढे नॅक मानांकन करणार नाही त्या महाविद्यालयांमधील प्राध्यापकांना यापुढे पगार अदा करण्यात येणार नाही. उमवि कार्यक्षेत्रातील 146 पैकी 60 महाविद्यालये नॅकला सामोरे गेले असून त्यात महाविद्यालयाला अ मानांकन प्राप्त झाले आहे. भुसावळकरांठी ही निश्चितच गौरवास्पद बाब असून अन्य महाविद्यालयांना आता ‘अ’ मानांकनाबाबत नाहाटा महाविद्यालयाचा अभ्यास करता येईल.