गुजरातमध्ये कापूस विक्री करून परतणार्या शेतकर्यांकडील 14 लाख लुटले : नंदुरबारातील धक्कादायक घटना
Robbery in Nandurbar : 14 lakh looted from a farmer नंदुरबार : गुजरात राज्यात कापूस विक्री करून नंदुरबार शहरात परतणार्या दोन शेतकर्यांकडून 13 लाख 94 हजार रुपयांची चौघांनी लूट केली. नंदुरबारातील भालेर रस्त्यावर उड्डाणपुलाखाली शुक्रवारी पहाटे घडली. या घटनेमुळे खळबळ उडाली. भालेर येथील शेतकरी हंसराज दगाजी पाटील व सुनील गंगाराम पाटील हे गुजरातमध्ये कापूस विक्री करून नंदुरबारात परतले असतानाच शुक्रवारी पहाटे दीड ते दोन वाजेच्या सुमारास दुचाकीने नंदुरबारहून भालेरला जात असताना हा प्रकार घडला.
रस्ता अडवत केली लूट
वळण रस्त्यावरील उड्डाणपुलाच्या खाली त्यांना कारचालकाने अडवून त्यांच्याकडील 13 लाख 94 हजार रुपये लुटले. ही घटना दोघांनी जवळच असलेल्या तालुका पोलिसात सांगितली. त्यानंतर पोलिसांनी घटनास्थळी धाव घेतली. याबाबत सुनील गंगाराम पाटील (भालेर) यांनी फिर्याद दिल्याने अज्ञात चौघांविरुद्ध नंदुरबार शहर पोलिसात दरोड्याचा गुन्हा दाखल करण्यात आला. तपास फौजदार प्रवीण चव्हाण करीत आहे.
