मुक्ताईनगरात उद्या मतमोजणी : प्रशासन सज्ज
मुक्ताईनगर (22 नोव्हेंबर 2024) : विधानसभेसाठी अत्यंत चुरशीची मात्र शांततापूर्ण वातावरणात निवडणूक झाली. या निवडणुकीत कोण विजयी होणार ? याविषयी दावे-प्रतिदावे केले जात असताना अंतीम चित्र मात्र शनिवार, 23 नोव्हेंबरच्या निकालाअंती स्पष्ट होणार आहे.
दुपारपर्यंत निकाल येणार हाती
मतदारसंघांमध्ये कोणाचे पारडे जड होणार? यंदा मुक्ताईनगरचा गड कोण राखणार ? याविषयी चर्चा सुरू झाल्या असून त्याबाबत पैजाही लागल्या आहेत. प्रशासनाकडून 23 रोजी सकाळी आठ वाजता मतमोजणीला सुरूवात होईल व त्यासाठी 12 टेबल लावण्यात येतील. या टेबलावर दोन सहाय्यकांसह चौघांची नियुक्ती करण्यात आली आहे. मतमोजणीच्या एकूण 23 फेर्या होतील व दुपारी साडेतीन वाजेपर्यंत निकालाचे चित्र स्पष्ट असेल, असे सूत्रांनी सांगितले.
