पळासनेरनजीक ट्रक धडकल्या : दोन्ही चालक ठार
Trucks collide near Palasane: Both drivers killed पळासनेर (24 डिसेंबर 2024) : भरधाव वेगातील ट्रकला मागून येणारा ट्रक धडकल्याने चालक-सहचालकांचा मृत्यू झाला. अपघातानंतर शिरपूर तालुका पोलिसात गुन्ह दाखल करण्यात आला.
पाठीमागून धडकला ट्रक
पळासनेर शिवारातील एका हॉटेलवर जेवणासाठी ट्रक (एच.आर.47 डी.0721) थांबल्यानंतर पाठीमागून भरधाव ट्रक (आर.जे.11 जी.बी.0886) ने धडक दिल्याने ट्रकचे चालक व सहचालक हे जागीच ठार झाले. त्यानंतर मोठ्या प्रयत्नांनी त्यांचे मृतदेह बाहेर काढण्यात आले. चालक गोटू नंदलाल जाटव (29, रा.अटलपूर, ता.बदर, जि.शिवसूर), सहचालक मनोज कैलास जाटव (27, रा.जलालपूरा, पो.मोतीछिल, ग्वाल्हेर) अशी मृतांची नावे आहेत. अपघातप्रकरणी मारुती गंगाराम बहेवार (50) यांच्या तक्रारीवरून अपघाताला कारणीभूत ठरलेल्या ट्रक चालकाविरुद्ध शिरपूर तालुका पोलिसांत सदोष मनुष्यवधाचा गुन्हा दाखल झाला. पोलिस निरीक्षक जयपाल हिरे यांच्या मार्गदर्शनाखाली उपनिरीक्षक जयराज शिंदे तपास करीत आहेत.





