462 वेळा संगीतमय सामूहिक हनुमान चालीसा पठणाने महिला दिन साजरा

भुसावळ (10 मार्च 2025) : सनातन धर्माच्या बळकटीसाठी आणि जनमाणसाच्या मनामनात हनुमान चालीसा रुजवण्यासाठी वरणगाव येथील वासुदेव परिवारातर्फे 462 वेळा संगीतमय सामूहिक हनुमान चालीसा पठण कार्यक्रमाचे आयोजन करण्यात आले. ॐ सिद्धगुरु नित्यानंद प्रतिष्ठानतर्फे रेवा कुटी, वरणगाव याठिकाणी शनिवारी 462 वेळा संगीतमय सामुहिक हनुमान चालीसा पठण उपक्रम राबविण्यात आला. सर्वात आधी पंचमुखी हनुमान पूजन, सामूहिक रामस्तुती यानंतर सर्वांनी मिळून 11 वेळा हनुमान चालीसाचे पाठ करण्यात आले. नंतर आरती आणि प्रसाद वाटप झाले.

जागतिक महिला दिनानिमित्त मानसी गोसावी, रत्ना पाटील, सुनीता चौधरी, माधुरी फेगडे, वैशाली शिंदे, रुपाली महाजन, प्रीती महाजन, सुचिता येवले, सुलोचना पाटील, डॉ.रेणुका पाटील, वैशाली पाटील, ज्योती इंगळे आदी उपस्थित महिलांना गुलाबपुष्प देत शुभेच्छा दिल्या. यावेळी तबला वादक कुणाल शिंदे आणि कॅसिओ वादक अमोल सुरवाडे यांनी उत्तम साथ दिली. यावेळी तुकाराम पाटील, वैशाली पाटील, डॉ.निलेश बेंडाळे, डॉ.रवींद्र माळी, डॉ.नितीन बढे, पियुष महाजन, दीपक फेगडे, विशाल चौधरी, डॉ.अनिल शिंदे, कमलेश येवले, सुयोग चौधरी, प्रसाद चौधरी, अनिकेत चव्हाण, किरण चौधरी, दिनेश सोनार, ज्ञानेश्वर चौधरी आदी उपस्थित होते. वासुदेव परिवारातर्फे संगीतमय सामूहिक हनुमान चालीसा पठणासोबत उपस्थित महिलांचे जागतिक महिला दिनानिमित्त गुलाबपुष्प देत सत्कार करण्यात आला.