शिकार खुद यहाँ शिकार हो गया….! चाळीसगावात चार मृत हरिणांसह वाहन जप्त : मालेगावच्या एकाला अटक

Vehicle with four dead deer seized in Chalisgaon : One from Malegaon arrested चाळीसगाव (5 मे 2025) : चाळीसगाव वन परिक्षेत्रातील जंगलांतून हरणांची शिकार होत असल्याची माहिती मिळाल्यानंतर एका कारचा पाठलाग वन विभागाच्या पथकाने केला पण कारमधील पाचही शिकारी कार सोडून पसार झाले. त्यापैकी एक संशयीत अकील अहमद शकील अहमद (28) याला मालेगावातून अटक करण्यात आली.

गोपनीय माहितीवरून कारवाई
हरणांची शिकार करून एका कारमधून ती नेली जात असल्याची माहिती चाळीसगाव वनपरिक्षेत्र अधिकारी शीतल नगराळे यांना मिळाली होती. त्यावरून त्यांनी काही सहकार्‍यांना सोबत घेऊन चाळीसगाव धुळे बायपास रस्त्यावर 1 मे रोजी पहाटे चारपासून सापळा रचला.

छत्रपती संभाजीनगरकडून धुळ्याकडे जाणारी संबंधित कार भरधाव येताना दिसली. वनविभागाच्या कर्मचार्‍यांनी कारला हात देऊन ती थांबविण्याचा इशारा केला. मात्र कार न थांबता धुळेच्या दिशेने भरधाव निघाली. नंतर वनविभागाच्या पथकाने कारचा पाठलाग सुरू केला. कार पुढे व वनविभागाची गाडी मागे अचा चाळीसगाव ते धुळे, तासभर पाठलाग सुरू असताना धुळ्याजवळ आल्यानंतर ते पाचही संशयित कार सोडून पसार झाले. कारमध्ये तब्बल पाच हरणे मृतावस्थेत आढळली, दोन नर व तीन माद्या त्यात होत्या. नंतर वन विभागाने कारवरून आरोपींचा मागोवा घेतला. एक आरोपी अकील अहमद शकील अहमद यास मालेगावातून अटक करण्यात आली.