पुण्यश्लोक अहिल्यादेवी होळकर जन्मशताब्दी वर्षानिमित्त 300 कि.मी. रॅलीसाठी डॉ केतकीताई पाटील फाउंडेशनचा सक्रिय पाठिंबा
300 वाहनांची ऐतिहासिक रॅली 30 मे रोजी जळगावहून निघणार
Punyashlok Ahilyadevi Holkar Birth Centenary Year 300 km Rally Active support of Dr. Ketkitai Patil Foundation जळगाव (28 मे 2025) : पुण्यश्लोक राजमाता अहिल्यादेवी होळकर यांच्या जन्मशताब्दी वर्षानिमित्ताने जळगाव जिल्ह्यातून 30 मे रोजी निघणार्‍या ऐतिहासिक वाहन रॅलीसाठी डॉ केतकीताई पाटील फाउंडेशन व गोदावरी फाउंडेशन तर्फे संपूर्ण पाठिंबा जाहीर करण्यात आला आहे. 300 किलोमीटर अंतराची आणि 300 चारचाकी वाहनांची ही भव्य रॅली समाजाच्या ऐतिहासिक आणि सांस्कृतिक अभिमानाचे प्रतीक ठरणार आहे.
या रॅलीच्या नियोजनासाठी आज डॉ केतकी पाटील यांच्या जनसंपर्क कार्यालयात विशेष बैठक पार पडली. या बैठकीस गोदावरी फाउंडेशनच्या संचालिका आणि भाजप प्रदेश महिला मोर्चाच्या उपाध्यक्ष डॉ सौ. केतकीताई पाटील अध्यक्षस्थानी उपस्थित होत्या. या बैठकीत रॅलीचे तपशील, मार्ग, वाहन व्यवस्थापन, सहभागी प्रतिनिधींना सूचना आणि जनजागृती यावर विस्तृत चर्चा करण्यात आली.
केतकीताईंनी ’केतकीताई मित्र परिवार’ व गोदावरी फाउंडेशनच्या सर्व सदस्यांना आवाहन केले की त्यांनी या ऐतिहासिक रॅलीत मोठ्या संख्येने सहभागी होऊन पुण्यश्लोक अहिल्यादेवी होळकर यांना अभिवादन करावे. रॅलीच्या यशासाठी प्रत्येक सदस्याने जबाबदारीने काम करावे असेही त्यांनी नमूद केले.
या भव्य रॅलीचे नेतृत्व राज्याचे लोकप्रिय नेते व मंत्री नामदार गिरीशभाऊ महाजन करणार आहेत. त्यांच्या नेतृत्वात ही रॅली सामाजिक एकात्मता आणि ऐतिहासिक गौरव यांचा संगम ठरणार आहे. बैठकीस उपस्थित मान्यवर भाजपा महिला आघाडी प्रदेश उपाध्यक्ष डॉ केतकी पाटील,भाजपा महानगर सरचिटणीस तथा दुध संघांचे संचालक अरविंद देशमुख, धनगर समाज महासंघाचे मा. महामंत्री सुभाष सोनवणे, धनगर समाज महासंघाचे प्रदेश उपाध्यक्ष सुभाष करे, मल्हार सेनेचे प्रदेश सरचिटणीस संदीप तेले, धनगर बोर्डिंग चे अध्यक्ष प्रभाकर न्हाळदे,डॉ. संजय पाटील,धनगर समाज महासंघाचे जिल्हाध्यक्ष दिलीप धनगर, मल्हार सेनेचे मा. जिल्हाप्रमुख अरुण ठाकरे, धर्मराज सोनवणे,रामचंद्र चर्‍हाटे,धनगर समाज कर्मचारी संघटनेचे जिल्हाध्यक्ष गणेश बागुल उपाध्यक्ष तुळशीराम सोनवणे, दिलीप नाझरकर, कुणाल सुलताने,दिलीप कवडे,संतोष कचरे, डिगंबर सोनवणे, प्रवीण पवार,सचिन धनगर हे उपस्थित होते.
कार्यक्रमाचे वैशिष्ट्य
300 किलोमीटर अंतर
300 चारचाकी वाहने
सामाजिक, ऐतिहासिक आणि सांस्कृतिक जागृती
पुण्यश्लोक अहिल्यादेवी होळकर यांना अभिवादन करण्यात येणार आहे.
