एरंडोल तालुक्यात भीषण अपघातात चार वर्षीय बालकाचा मृत्यू
Four-year-old boy dies in horrific accident in Erandol taluka एरंडोल (7 जुलै 2025) : विद्यार्थ्याची वाहतूक करणार्या वाहनाचे चाक अंगावरून गेल्याने चार वर्षीय बालकाचा जागीच मृत्यू झाला. ही घटना हृदयद्रावक घटना पिंपळकोठा खुर्द (ता. एरंडोल) येथे घडली. शुभम योनाक्ष मासाळ असं बालकाचे नाव असून याबाबत वाहनचालकाविरुद्ध गुन्हा दाखल करण्यात आला.
एरंडोल तालुक्यातील पिंपळकोठा खुर्द येथील माजी सरपंच नारायण मासाळ यांचे नात आरुष (वय 6 वर्षे) व शुभम हे दोघे पाळधी येथील जीपीएस शाळेत शिक्षण घेत आहेत. त्यांना शाळेत जाण्यासाठी (क्र. एम.एच. 19 इ.ए. 6856) हे वाहन लावले होते. शुक्रवारी सकाळी आरुष व शुभम हे या वाहनातून शाळेत गेले. शाळा सुटल्यानंतर ते दोन्ही वाहनातून खाली उतरल्यानंतर गाडी वेगाने पुढे निघाली. शुभम यास वाहनाचा धक्का लागला आणि तो खाली पडला. त्याचवेळी त्याच्या अंगावरून गाडीचे चाक गेले.
रात्री उशिरा शुभमचा मृतदेह नातेवाईकांच्या ताब्यात देण्यात आला. त्यानंतर रात्री 10 वाजेच्या सुमारास शुभमवर पिंपळकोठा खुर्द येथे अंत्यसंस्कार करण्यात आले. दरम्यान शुभमचा मृतदेह घेऊन वाहन गावात पोहचले असता शुभमचे आईवडील व कुटुंबीयांनी एकच हंबरडा फोडला. कुटुंबीयांचा विशेषतः शुभमच्या मातेचा आक्रोश पाहून उपस्थितांना अश्रू अनावर झाले. या प्रकरणी वाहनचालक मनोज मुक्तारसिंग पाटील याच्याविरुद्ध गुन्हा दाखल करण्यात आला आहे.
