वरणगाव ऑर्डनन्स फॅक्टरीजवळ अज्ञात वाहनाच्या धडकेने अनोळखी ठार

भुसावळ (7 जुलै 2025) : भुसावळहून मुक्ताईनगरकडे जाणार्‍या राष्ट्रीय महामार्ग क्र.53 वर गणेश ढाबा (ऑर्डनन्स फॅक्टरी गेटच्या पुढे) समोर एका अज्ञात वाहनाच्या धडकेने अनोळखीचा मृत्यू झाला. हा अपघात 5 जुलै रोजी रात्री 11 वाजेच्या दरम्यान घडला. या प्रकरणी वरणगाव पोलीस ठाण्यात अज्ञात वाहन चालकाविरोधात गुन्हा दाखल करण्यात आला.

अपघातानंतर चालक वाहनासह पसार झाला. या अपघातात अनोळखी इसम गंभीर होऊन मरण पावला. पोलीस पाटील गिरीष एकनाथ पाटील (51, रा.दर्यापूर, ता.भुसावळ) यांच्या फिर्यादी वरून वरणगाव पोलिसात अज्ञात वाहन चालकाविरुद्ध गुन्हा दाखल करण्यात आला. सहाय्यक पोलिस निनरीक्षक अमितकुमार प्रतापसिंग बागुल यांनी भेट दिली. तपास ग्रेडेड पोलिस उपनिरीक्षक जितेंद्र जैन करीत आहेत.