Praveen Gaikwad सोलापूर (13 जुलै 2025) : संभाजी ब्रिगेडचे प्रदेशाध्यक्ष प्रवीण गायकवाड यांना रविवार, 13 रोजी शिवधर्म फाउंडेशन आणि शिवभक्तांनी काळे फासल्याने राज्यात खळबळ उडाली आहे. गायकवाड यांच्या अंगावर शाईदखील ओतण्यात आली. एका शिक्षण संस्थेच्या आणि सकल मराठा समाजाच्या कार्यक्रमासाठी प्रवीण गायकवाड सोलापूर दौर्यावर आले असताना अक्कलकोटमध्ये हो प्रकार घडला.
काय घडले अक्कलकोटमध्ये
प्रवीण गायकवाड रविवारी अक्कलकोट येथे फत्तेसिंह शिक्षण संस्था आणि सकल मराठा समाजाच्या कार्यक्रमासाठी आले होते. अक्कलकोटमध्ये आल्यानंतर शिवधर्म फाउंडेशन आणि शिवभक्त यांनी प्रवीण गायकवाड यांच्या अंगावर शाई ओतली. गायकवाड यांनी आपल्या संघटनेच्या नावामध्ये छत्रपती संभाजी महाराजांचा एकेरी उल्लेख केल्याने शिवधर्म फाउंडेशन आक्रमक होती.
