This information came to light regarding the installment being deposited in the accounts of beloved sisters मुंबई (30 जुलै 2025) : राज्यात अत्यंत लोकप्रिय ठरलेल्या लाडकी बहिण योजनेचा जुन महिन्याचा हप्ता खात्यात कधी जमा होणार? याकडे महिलावर्गाचे लक्ष लागून असतानाच याबाबत अपडेट माहिती समोर आली आहे.
मुख्यमंत्री माझी लाडकी बहिण योजनेमुळे महिलांच्या बँक खात्यात दर महिन्याला थेट एक हजार 500 रुपये जमा होतात. या योजनेचे आतापर्यंत 12 हप्ते वितरित करण्यात आले. याच पार्श्वभूमीवर या योजनेचा जून महिन्याचा हप्ता लाभार्थी महिलांच्या खात्यात कधी जमा होणार? याबाबत महत्त्वाची माहिती समोर आली.
मुख्यमंत्री माझी लाडकी बहीण योजना महायुती सरकारने जुलै 2024 पासून सुरु केली आहे. महायुती सरकारनं मुख्यमंत्री माझी लाडकी बहीण योजनेतील महिलांना निधीचं वितरण करण्यासाठी 28 हजार 290 कोटी रुपयांची तरतूद केली होती. या योजनेतून पात्र महिलांना दरमहा 1500 रुपये दिले जातात. मुख्यमंत्री माझी लाडकी बहिण योजनेच्या लाभार्थी महिलांना जुलै महिन्याचा हप्ता येत्या दोन ते तीन दिवसांत मिळण्याची शक्यता आहे. महिला व बाल विकास विभागाने 30 जुलै रोजी शासन निर्णय जारी करत जुलै हप्त्यासाठी तब्बल दोन हजार 984 कोटींचा निधी वितरित केला आहे.
बनावट लाभार्थींवर होणार कारवाई
शासनाची दिशाभूल करून चुकीच्या पद्धतीने लाडकी बहीण योजनेचा लाभ घेणार्या बनावट लाभार्थींवर कारवाई होणार असल्याची माहिती महिला आणि बाल कल्याण मंत्री आदिती तटकरे यांनी दिली.
माहिती व तंत्रज्ञान विभागाने सुमारे 26.34 लाख लाभार्थी अपात्र असताना देखील लाडकी बहीण योजनेचा लाभ घेत असल्याची माहिती सादर केली आहे. यात काही लाभार्थी एकापेक्षा जास्त योजनांचा लाभ घेत असल्याचे, काही कुटुंबामध्ये दोन पेक्षा जास्त लाभार्थी असल्याचे, तर काही ठिकाणी पुरुषांनी अर्ज केल्याच्या बाबी निदर्शनास आल्या आहेत, असे त्या म्हणाल्या.
या माहितीच्या आधारे जून 2025 पासून या 26.34 लाख अर्जदारांचा लाभ तात्पुरत्या स्वरूपात स्थगित करण्यात आला आहे. याव्यतिरिक्त पात्र असलेल्या सुमारे 2.25 कोटी पात्र लाडकी बहीण योजनेच्या लाभार्थ्यांना जून 2025 महिन्याचा सन्माननिधी वितरित करण्यात आला आहे. तात्पुरत्या स्वरूपात लाभ स्थगित केलेल्या 26.34 लाख लाभार्थ्यांच्या माहितीची संबंधित जिल्हाधिकार्यांकडून शहानिशा करून त्यापैकी जे लाभार्थी पात्र ठरतील त्यांचा लाभ शासनातर्फे पुन्हा सुरू करण्यात येईल, अशीही माहिती तटकरे यांनी दिली.
