जळगाव (1 ऑगस्ट 2025) जळगाव शहर महानगरपालिकेतील माजी नगरसेवक अनंत उर्फ बंटी जोशी (50) यांनी शुक्रवार, 1 ऑगस्ट रोजी आपल्या जयनगर परिसरातील राहत्या घरी गळफास घेतला. आत्महत्येचे स्पष्ट कारण अद्याप समोर आले नाही मात्र माजी नगरसेवकाच्या आत्महत्येने शहरात मोठी खळबळ उडाली आहे.
काय घडले जळगावात
अनंत उर्फ बंटी जोशी यांनी इतकं मोठं टोकाचं पाऊल का उचललं? याबाबत कळू शकलं नसून या घटनेची माहिती कळताच समाजातील मान्यवर आणि मित्रांनी जिल्हा रुग्णालयात धाव घेतली. शुक्रवारी सायंकाळी 7.30 च्या सुमारास हा प्रकार उघडकीस आला.
दरम्यान बंटी जोशी हे जळगाव मनपातील अभ्यासू नगरसेवक, हसत खेळत व्यक्तिमत्व असल्याने त्यांच्या मृत्यूची माहिती मिळताच नातेवाईक आणि मित्र परिवाराने जिल्हा शासकीय रुग्णालयात धाव घेतली.
जिल्हा रुग्णालयात माजी महापौर नितीन लढ्ढा, विष्णु भंगाळे, सुनील महाजन, शरद तायडे, सुनील झंवर, शामकांत सोनवणे, आयुष मणियार, पीयूष कोल्हे, पीयूष मणियार, सरिता माळी, कैलास आप्पा सोनवणे, कुंदन काळे, गणेश सोनवणे, जमील देशपांडे, प्रवीण कोल्हे यांच्यासह मित्र परिवार दाखल झाला आहे.
