Kasoda police foil gambling plot: 15 gamblers caught कासोदा (6 ऑगस्ट 2025) : कासोदा पोलीस ठाण्याची धूरा सहाय्यक पोलीस निरीक्षक निलेश राजपूत यांनी हाती घेताच अवैध धंदे चालकांच्या गोटात भीती पसरली आहे. सातत्याने अवैध धंद्यांवर कारवाया होत असल्याने सर्वसामान्य नागरिकांतून पोलिसांच्या कृतीचे स्वागत होत आहे. कासोदा गावाजवळील जवखेडेसीम येथे जुगाराचा डाव रंगत असल्याची माहिती पोलिसांना मिळताच पथकाने छापेमारी करीत 15 जुगार्यांच्या मुसक्या बांधल्या व त्यांच्याकडील एक लाख 21 हजार 390 रुपये किंमतीचा मुद्देमाल जप्त केला.
गोपनीय माहितीवरून कारवाई
कासोदा पोलीस ठाण्याचे सहा.पोलीस निरीक्षक निलेश दिवाणसिंग राजपूत यांना जवखेडेसीम गावातील गालापुर रोडला लागुन असलेल्या काटेरी झुडपाच्या आडोशाला काही संशयीत जुगार खेळत असल्याची माहिती मिळाली व त्यांनी पथकाला कारवाईचे निर्देश दिले.
15 जुगारी जाळ्यात
पोलिसांच्या पथकाने सोनु धाकु भील (50), विरभान श्रावण भील (40), राहुल संतोष सोनवणे (26), प्रवीण वसंत सोनवणे (39), संतोष माधव सोनवणे (30), सुनील दगा ठाकरे (35), मंगीलाल भाईदास चव्हाण (45), रतन धाकु भील (60), अशोक गोविंदा पाटील (54), सचिन बापु पवार (37), कांतीलाल महादु सोनवणे (38), उत्तम बालाआप्पा जेहे (50), समाधान बापू पाटील (35), संभाजी महारु पाटील (58), सुनील सीताराम वाघ (48, सर्व रा.जवखेडेसीम) यांना रोकड व दोन दुचाकींसह ताब्यात घेण्यात आले.
यांनी केली कारवाई
ही कारवाई जळगाव पोलीस अधीक्षक महेश्वर रेड्डी, अपर पोलीस अधीक्षक कविता नेरकर, उपविभागीय पोलीस अधीकारी विजय ठाकुरवाड यांच्या मार्गदर्शनाखाली कासोदा सहाय्यक निरीक्षक निलेश राजपुत, हवालदार नंदलाल परदेशी, नाईक प्रदीप पाटील, कॉन्स्टेबल समाधान तोंडे, कॉन्स्टेबल निलेश गायकवाड, कॉन्स्टेबल योगेश पाटील, कॉन्स्टेबल कुणाल देवरे, कॉन्स्टेबल दीपक देसले, कॉन्स्टेबल लहु हटकर आदींच्या पथकाने केली.
