शासकीय अधिकारी, कर्मचार्‍यांसाठी गुड न्यूज : ऑगस्टचा पगार पाच दिवस आधी खात्यात जमा होणार
Good news for government officials and employees: August salary will be deposited in the account five days early मुंबई (21 ऑगस्ट 2025) : आगामी गणेशोत्सव सणाचा उत्साह पाहता ऑगस्ट महिन्याचा पगार पाच दिवस आधीच बँक खात्यात जमा करण्याचा निर्णय शासनाने घेतला आहे. उत्सव काळात आर्थिक अडचणींचा सामना न करावा लागण्यासाठ ऑगस्ट महिन्याचे वेतन 26 ऑगस्ट रोजीच देण्याचा निर्णय सरकारने घेतल्याने सरकारी कर्मचार्‍यांमध्ये आनंदाची लहर पसरली आहे.
राज्य शासनाने घेतला निर्णय
राज्य सरकारकडून शासन निर्णय काढून 1 सप्टेंबर रोजी होणारे कर्मचारी व अधिकार्यांचे वेतन 26 ऑगस्ट रोजी देण्यास सरकारकडून मान्यता देण्यात आली. जिल्हा परिषद, मान्यता प्राप्त व अनुदान प्राप्त शैक्षणिक संस्था, अकृषि विद्यापीठे/ कृषी विद्यापीठे व त्यांच्या संलग्न अशासकीय महाविद्यालयांचे अधिकारी व कर्मचारी तसेच निवृत वेतनधारकांन / कुटुंब निवृत वेतन धारक यांनाही हा निर्णय लागू राहणार आहे त्यामुळे या सर्व अधिकारी व कर्मचारी वर्गाला तब्बल पाच दिवस आधीच आपला पगार मिळणार आहे. त्यामुळे, गणेशोत्सव काळाती खर्चासाठी खिसा गरम आणि हात ढिला होणार आहे.
