भुसावळात बामसेफचे राज्यस्तरीय अधिवेशन रविवारी

या विषयांवर होणार चर्चा
अधिवेशनात ओबीसींची जातीनिहाय जनगणना, शेतकरी व कामगारांचे मूलभूत प्रश्न,अनुसूचित क्षेत्रांचे संरक्षण,धार्मिक ध्रुवीकरणातून बहुजनांचे विभाजन आदी गंभीर मुद्यांवर सखोल चर्चा होणार आहे. तसेच दुपारच्या दुसर्‍या सत्रातईव्हीएमचा गैरवापर,बहुजन समाजातील संघटनात्मक जाळे,धनगर व मराठा समाजातील प्रश्नांचा गैरवापर यासह विविध सामाजिक व राजकीय विषयांवर विचारमंथन होणार आहे.

या अधिवेशनात राज्य व राष्ट्रीय पातळीवरील बामसेफ, भारत मुक्ती मोर्चा, राष्ट्रीय किसान मोर्चा,प्रोटॉन,राष्ट्रीय मुस्लिम मोर्चा, लहुजी क्रांती मोर्चा,आरपीआय, सामाजिक कार्यकर्ते,विचारवंत,प्राध्यापक,वकील,संशोधक आदी विविध क्षेत्रातील मान्यवर उपस्थित राहून मार्गदर्शन करणार आहेत. राज्य अधिवेशनाच्या यशस्वी आयोजनासाठी महाराष्ट्र बामसेफ व सहयोगी संघटनांनी तयारी केली असून, हजारो कार्यकर्त्यांच्या उपस्थितीत हे अधिवेशन ऐतिहासिक ठरणार असल्याचा विश्वास आयोजकांनी व्यक्त केला आहे.