खेळाडूंनी जय व पराजय पचवावा : भुसावळ शहर पोलिस निरीक्षक उद्धव डमाळे

निरीक्षक उद्धव डमाळे व बी.डी.धाडी यांच्याहस्ते प्रमुख अतिथींच्या उपस्थितीत मेजर ध्यानचंद व मामा बियाणी यांच्या प्रतिमेस माल्यार्पण करून दीप प्रज्वलन व क्रीडांगण पूजन करून उद्घाटन करण्यात आले.

क्रीडा स्पर्धांमुळे खेळाडूंचा सर्वांगीण विकास
बी.डी.धाडी म्हणाले की, अभ्यासाबरोबरच खेळाला विद्यार्थ्यांनी तेवढेच महत्त्व दिले पाहिजे. क्रीडा स्पर्धांमुळे खेळाडूंचा सर्वांगीण विकास होतो. खेळाडूंच्या अंगी समय सूचकता येत असते यातूनच भारताचा सुजाण नागरिक तयार होतो.

स्पर्धेचा निकाल असा
अंतिम सामना राजाराम धोंडी विद्यालय विरुद्ध महाराणा प्रताप विद्यालय यांच्यात झाला. यात 20 गुणांनी राजाराम धोंडू माध्यमिक विद्यालय कुर्‍हे पानाचे हा संघ विजयी झाला.

महाराणा प्रताप विद्यालय, भुसावळ द्वितीयस्थानी राहिला. तृतीय स्थानी पंडित नेहरू विद्यालय, वराडसीमचा संघ राहिला.

19 वर्षातील मुलांच्या सामन्यात अंतिम सामना महात्मा गांधी विद्यालय विरुद्ध के.नारखेडे विद्यालय, भुसावळ यांच्यात झाला. यात महात्मा गांधी विद्यालय वरणगाव 27 गुणांनी विजयी झाले तर के.नारखेडे विद्यालय भुसावळचा संघ उपविजेता राहिला.

यांचे यशस्वीतेसाठी परिश्रम
पंच म्हणून बी.एन.पाटील, नयन सागर, मनी राजू कुलकर्णी, नम्रता गुरव, काजल बारोट, गजानन पाटील, प्रदीप महाजन, मुकेश मोरे, वंदना ठोके, विलास पाटील, राजपूत, चव्हाण, हिंमत पाटील, सुनील चौधरी यांनी काम पाहिले. यशस्वीतेसाठी डॉ.प्रदीप साखरे, लक्ष्मीकांत नेमाडे, हिंमत पाटील, यांच्यासह सर्व क्रीडा शिक्षक व बियाणी मिलिटरी स्कूलचे कर्मचारी व विद्यार्थी यांनी परिश्रम घेतले. सूत्रसंचालन विलास पाटील यांनी केले.