10 हजारांची लाच भोवली : पाचोरा प्रांताधिकारी कार्यालयातील सहाय्यक महसूल अधिकारी जळगाव एसीबीच्या जाळ्यात
गणेश वाघ
Bribe of Rs 10,000 : Assistant Revenue Officer at Pachora Provincial Adhikari’s office caught by Jalgaon ACB पाचोरा (10 सप्टेंबर 2025) : पोटखराब क्षेत्र वहिताखाली लावण्यासाठी 15 हजारांची लाच दहा हजारांची लाच स्वीकारताना पाचोरा प्रांताधिकारी कार्यालयातील सहाय्यक महसूल अधिकारी गणेश बाबूराव लोखंडे (37) यास जळगाव एसीबीने कार्यालयातच बेड्या ठोकल्या. या कारवाईने प्रांताधिकारी कार्यालयातील लाचखोर पुरते हादरले आहेत.
असे आहे लाच प्रकरण ?
तक्रारदाराच्या पत्नीच्या नावे कोकडी, ता.पाचोरा शिवारात पोटखराब क्षेत्र आहे. त्यांनी मेहनत वहितीखाली आणले असून पीक लागवड केली आहे. सदरचे क्षेत्र हे गाव नमूना नंबर 7/12 मध्ये पोटखराब म्हणून दाखल असल्याने त्यांना नैसर्गिक आपत्ती नुकसान भरपाई व शेतीविषयक कर्ज मिळत नाही. त्यामुळे तक्रारदाराने पोटखराब क्षेत्र गाव नमुना 7/12 वर वहितीखाली लावण्यासाठी अर्ज करण्यात आल्यानंतर आरोपीने काम करून देण्यासाठी 15 हजारांची लाच मागितली व पाच हजार रुपये स्वीकारले. त्यानंतरही दहा हजारर रुपये देण्यासाठी तगादा वाढल्याने 9 रोजी तक्रार नोंदवण्यात आली व बुधवारी प्रांत कार्यालयाबाहेर सापळा रचण्यात आला व 10 हजारांची लाच स्वीकारताच आरोपीला अटक करण्यात आली.
यांनी केला सापळा यशस्वी
पोलिस उपअधीक्षक योगेश ठाकूर यांच्या नेतृत्वात पोलिस निरीक्षक हेमंत नागरे, शिपाई भूषण पाटील, शिपाई राकेश दुसाने, शिपाई अमोल सूर्यवंशी आदींच्या पथकाने हा सापळा यशस्वी केला.
