भंवरलाल अॅण्ड कांताबाई जैन फाऊंडेशन व युवाशक्ती फाऊंडेशनच्या वतीने एक हजार रोपांचे वाटप
जळगाव (10 सप्टेंबर 2025) : भंवरलाल अॅण्ड कांताबाई जैन फाऊंडेशन व युवाशक्ती फाऊंडेशन यांच्या संयुक्त विद्यमाने मागील 17 वर्षांपासून काव्यरत्नावली चौकात आदर्श गणेशोत्सव साजरा करण्यात आला. मंडळातर्फे रोपांच्या सहाय्याने बल्लाळेश्वर गणपतीची सजीव प्रतिकृती देखावा म्हणून सादर करण्यात आली होती.
वृक्ष संवर्धनासह पर्यावरणाचा संदेश यातून देण्यात आला. अनंत चतुर्दशीनिमित्त गणपती विसर्जनाच्या दिवशी एका परिवारास एक रोप याप्रमाणे वाटप करण्यात आले. सजीव बल्लाळेश्वर तयार केलेल्या रोपांचे वाटप प्रसाद स्वरूपात घेण्यासाठी नागरिकांनी मोठ्याप्रमाणात गर्दी केली होती.
