इंस्टाग्रामवर बनावट खात्यांद्वारे रावेर तालुक्यातील महिलांची बदनामी : अज्ञाताचा कसून शोध
Women from Raver taluka defamed through fake accounts on Instagram रावेर (11 सप्टेंबर 2025) : रावेर तालुक्यातील एका गावातील महिलांच्या छायाचित्रांचा वापर करीत त्यापुढे एका गावातील पुरूषांचे छायाचित्र लावून सोशल मिडीयावर अश्लील कमेंट टाकून बदनामी करण्यात आली. याप्रकरणी अज्ञाताविरोधात सावदा पोलिसात गुन्हा दाखल करण्यात आला. पोलिस आरोपीचा कसून शोध घेत आहेत.
अश्लील मजकूर टाकून बदनामी
तक्रारदाराच्या तक्रारीनुसार, तिच्यासह इतर महिलांचे वैयक्तिक फोटो खाजगीपणे वापरून, त्याचबरोबर एका गावातील काही पुरुषांचे फोटो त्यास जोडण्यात आले व अश्लील व मानहानीकारक कमेंट्स सोशल मीडियावर करण्यात आल्या. हे सर्व फोटो व मजकूर बनावट इंस्टाग्राम अकाउंटवरून पोस्ट करण्यात आल्या.
