खेळ विद्यार्थी जीवनातील महत्वाचा भाग : जे.पी.सपकाळे

खेळाला अनन्यसाधारण महत्व : जे.पी.सपकाळे
प्रास्ताविक डॉ प्रदीप साखरे यांनी केले. स्पर्धेचे उद्घाटक जे. पी. सपकाळे यांनी विद्यार्थ्यांना मार्गदर्शन करताना खेळाडूंचे सर्व स्पर्धेत सहभागी होता म्हणून मनःपूर्वक अभिनंदन केले. विद्यार्थी जीवनात खेळाला अनन्यसाधारण महत्त्व आहे खेळ हा विद्यार्थ्यांच्या जीवनातील निराशा नाहीसा करणार आहे व विद्यार्थ्यांचा उत्साह वाढवणारा आहे त्यामुळे विद्यार्थी जीवनात प्रत्येकाने खेळ खेळले पाहिजे. जिल्हास्तर आणि राज्यस्तरावर विजय संपादन करून आपल्या तालुक्याचे नाव उंचवावे, असे आवाहन त्यांनी केली.

जय-पराजय पचवावा
अध्यक्षा डॉ.संगीता बियाणी यांनी खेळाडूंना मार्गदर्शन करताना सांगितले की, खेळाडू वृत्तीने खेळून आपल्या खेळाचे प्रदर्शन करावे. जय-पराचय आपण पचवावा. आपले शिक्षक आपल्याला क्रीडांगांपर्यंत आणून स्पर्धेच्या संधी उपलब्ध करून देतात त्याचा फायदा प्रत्येक विद्यार्थ्यांनी घेतला पाहिजे.

यांनी मिळवला विजय
सर्व गटातील मुलांचे 22संघ व त्यातील 330 खेळाडूंनी सहभाग नोंदविला. 19 वर्षातील गटात मुलांमध्ये बियाणी जुनिअर कॉलेजचा संघ विजयी होऊन प्रथमस्थानी राहिला.

सतरा वर्षातील गटात अंतिम सामना बियाणी मिलिटरी स्कूल व डॉ.उल्हास पाटील इंग्लिश स्कूलमध्ये झाला. यात डॉ.उल्हास पाटील इंग्लिश मीडियम स्कूलचा संघ विजयी होऊन प्रथम स्थानी राहिला. बियाणी मिलिटरी स्कूलचा संघ द्वितीयस्थानी राहिला. ताप्ती स्कूलच्या संघाला तृतीय स्थानी समाधान मानावे लागले.

सतरा वर्षातील मुलींमध्ये अहिल्यादेवी कन्या विद्यालयाचा संघ विजयी ठरला. 14 वर्षातील मुलांमध्ये बियाणी पब्लिक स्कूल, मिरगव्हाण विजयी होऊन प्रथमस्थानी राहिले तर डॉ.उल्हास पाटील इंग्लिश मीडियम स्कूल उपविजेता ठरुन द्वितीयस्थानी राहिले. ताप्ती स्कूलला तृतीय स्थानावर समाधान मानावे लागले.

यांनी पंच म्हणून पाहिले काम
पंच म्हणून डॉ.प्रदीप साखरे यांच्या मार्गदर्शनाखाली व्ही.एस.पाटील, मुकेश मोरे, हिंमत पाटील, अर्जुन सनन्स, अझर शेख, तोशिब कुरेशी, विनय काळे यांनी काम पाहिले. स्पर्धा यशस्वीतेसाठी पी.आर.साखरे, डी.एम.पाटील पाटील यांच्यासह सर्व क्रीडा शिक्षक व बियाणी स्कूलचे कर्मचारी व विद्यार्थी यांनी परिश्रम घेतले. आभार मुकेश मोरे यांनी मानले.