वंदे मातरम् गीताच्या सार्थ शताब्दी महोत्सवाच्या निमित्ताने भुसावळातील भोळे महाविद्यालयाचा उपक्रम

7 नोव्हेंबर 2025 रोजी या गीताच्या निर्मितीला 150 वर्षे पूर्ण झालीत. त्याचे औचित्य साधून विद्यार्थ्यांमध्ये देशभक्तीची प्रेरणा, इतिहासाची जाणीव आणि सांस्कृतिक अभिमान वृद्धिंगत व्हावा या हेतूने दादासाहेब देविदास नामदेव भोळे महाविद्यालयाच्या राष्ट्रीय सेवा योजना विभागातर्फे विद्यार्थ्यांसाठी निबंध स्पर्धेचे आयोजन करण्यात आले. या स्पर्धेत वरिष्ठ महाविद्यालयातील विद्यार्थ्यांनी सहभाग घेतला. कार्यक्रमाच्या आयोजन प्रसंगी महाविद्यालयाचे प्राचार्य डॉ.आर.पी.फालक यांनी विद्यार्थ्यांना संबोधित करीत असताना भुसावळ परिसरातील क्रांतिकारकांच्या स्वातंत्र्य लढ्यातील योगदानाची माहिती देत असताना वंदे मातरम् गीताचे महत्व स्पष्ट करून सांगितले.

यशस्वितेसाठी महाविद्यालयाच्या इतिहास विभागाच्या प्रमुख प्रा.श्रेया चौधरी, राष्ट्रीय सेवा योजना विभागाचे कार्यक्रम अधिकारी प्रा.डॉ.जगदीश चव्हाण, प्रा.डॉ.अनिल सावळे यांनी परिश्रम घेतले.