भुसावळातील दे.ना.भोळे महाविद्यालयाची निकिता खोलेची आंतर विभागीय क्रॉस कंट्री स्पर्धेसाठी निवड
भुसावळ (11 नोव्हेंबर 2025) : भुसावळ शहरातील दादासाहेब देविदास नामदेव भोळे महाविद्यालयाची प्रथम वर्ष कला शाखेची विद्यार्थीनी निकिता खोलेने संत मुक्ताई महाविद्यालय, मुक्ताईनगरात झालेल्या आंतर महाविद्यालयीन क्रॉस कंट्री स्पर्धेत दहा किलोमीटर धावणे या प्रकारात तृतीय क्रमांक मिळवला. तिची जळगाव विभाग क्रॉस कंट्री संघात निवड झाली. आंतर विभागीय क्रॉस कंट्री स्पर्धा निजामपूर-जैताने, नंदुरबार होणार आहेत.
महाविद्यालयाने केला सत्कार
या यशाबद्दल महाविद्यालयाचे प्राचार्य डॉ.राजू फालक यांनी सत्कार केला. यावेळी क्रीडा संचालक प्रा.डॉ.संजय चौधरी, प्रा.डॉ.अनिल सावळे, प्रा.डॉ.जे.बी.चव्हाण उपस्थित होते. खेळाडूला महाविद्यालयाचे क्रीडा संचालक प्रा.डॉ.संजय चौधरी, माजी क्रॉस कंट्री खेळाडू पूर्वेश सोनवणे यांचे मार्गदर्शन लाभले.
