देवा भाऊ हा कुठला न्याय? पार्थ पवार, गिरीश महाजनांवर गुन्हा नाही मात्र माझ्यावर राजकीय सुडबुद्धीने गुन्हा : माजी खासदार उन्मेश पाटील

पार्थ 99 टक्क्यांचा भागीदार त्याच्यावर गुन्हा नाही मात्र माझ्यावरच का?
उन्मेष पाटील यांनी नावं न घेता भाजप नेत्यांवर थेट निशाणा साधला. अजित पवारांचे पूत्र पार्थ पवार 99 टक्के भागीदार असताना त्यांच्यावर गुन्हा दाखल होत नाही. गिरीश महाजन यांच्या कुटुंबाच्या नावाने बीएचआरचे सेट खरेदी होतात, ठेवीदारांच्या पैशातून वस्तू माफक दरात घेतल्या जातात, तरी गुन्हा होत नाही.

वरद इन्फ्रा चाळीसगावच्या आमदारांची कंपनी आहे, त्यांना तीन-चार कोटींच्या व्हॅल्युएशनवर 12 कोटीचे कर्ज दिले जाते, तरी कुणी विचारत नाही. देवा भाऊ हा न्याय कुठला? जेव्हा मी बी.एच.आर. वर बोलतो, तेव्हा यांना झोमते आणि तीन दिवसात माझ्यावर गुन्हा दाखल होतो. इतक्या महिन्यांपासून माझ्यावर गुन्हा दाखल का झाला नाही? तीनच दिवसात गुन्हा कसा दाखल झाला? असे सवाल उन्मेष पाटील यांनी यावेळी उपस्थित केला.

सीडीआर तपासण्याची केली मागणी
मंगेश चव्हाण, गिरीश महाजन, देवगिरी बँकेचे चेअरमन, एमडी, मॅनेजर, रिकव्हरी ऑफिसर हे सर्व भाजपशी निगडित आहेत. त्यांच्या सीडीआर तपासाची आपली मागणी असून माझा भाजपशी वैयक्तिक वाद नव्हता, पण या प्रवृत्तीविरोधात माझा लढा होता. ही प्रवृत्ती बदला घेण्यामध्ये मग्न होती, असा दावाही पाटील यांनी केला.

भाजपच्या प्रवृत्तीनेच मला गोवले
एकनाथ खडसे, सुरेश जैन यांना जसे या प्रवृत्तीने बाहेर काढले, तसेच आता मला लक्ष्य केले जातं असून भाजपाच्या खासदारकीचा राजीनामा देत भाजपाला सोडून स्वाभिमानाच्या लढाईसाठी सज्ज झालो. मला कल्पना होती, अनेकांना जसं गोवण्यात आले तसे मलाही गोवण्यात येईल. माझ्या मनाची पूर्ण तयारी होती. जितना बडा संघर्ष, उतनी बडी जीत, असे सांत पाटील म्हणाले की, अडथळे ताकद निर्माण करतात. जेवढे अडथळे आणतील तेवढी ताकद माझ्यात येईल. या प्रवृत्ती विरुद्ध आम्ही लढू आणि यांना गाडू. काही झाले तरी उन्मेष पाटील थांबणार नाही, काही तास न्यायप्रविष्ठ असल्याने थांबत आहे मी पुन्हा आपल्यासमोर येईल, असेही उन्मेष पाटील यावेळी बोलताना म्हणाले.