Science workshop through experiments at K. Narkhede School, Bhusawal भुसावळ (15 नोव्हेंबर 2025) : शहातील के.नारखेडे विद्यालय व कनिष्ठ महाविद्यालयात 14 रोजी प्रयोगातून विज्ञान ही कार्यशाळा झाली. यासाठी एम.जे.कॉलेज जळगावचे सेवानिवृत्त प्रा.दिलीप शंकर भारंबे, शशिकांत नेहेते (शहापूर) उपस्थित होते.
कार्यक्रमात शशिकांत नेहेते यांनी मराठी विज्ञान परिषदेची गरज, कार्य व महत्त्व विशद केले तसेच विद्यार्थ्यांना विज्ञान पत्रिका या मासिकाचे महत्त्व पटवून सांगितले.
दिलीप शंकर भारंबे सरांनी विद्यार्थ्यांना विविध प्रयोगाद्वारे विज्ञान हा विषय सोपा करून सांगितला. जडत्व या तत्वाने त्यांनी प्रयोगाची सुरुवात केली यात सेंटर ऑफ मास, सिलेंडरचे आकारमान काढणे, ऊर्जा अक्षयतेचा नियम, न्यूटनचे गतीविषयक नियम, दाब, वातावरणीय दाब, घर्षण बल, पास्कलचा नियम, प्रतिध्वनी, आग विझवण्याचे तंत्र, वारंवारता, तरंग लांबी, स्थितीक विद्युत बल इत्यादी अनेक संकल्पना विविध प्रयोगांच्या सहाय्याने अतिशय सोप्या व रंजक पद्धतीने विद्यार्थ्यांना स्पष्ट केल्या. यात विद्यार्थ्यांनी सुद्धा उत्स्फूर्तपणे सहभाग घेतला.
भारंबे विद्यार्थ्यांनी पाठ्यपुस्तकांचा सखोल अभ्यास करा, लहान लहान प्रयोग स्वतः करून पहा व जीवनात यशस्वी व्हा असा मोलाचा संदेश दिला. संस्थेचे अध्यक्ष डॉ.मकरंद एन.नारखेडे यांच्या मार्गदर्शनानुसार विद्यार्थ्यांमध्ये विज्ञानाविषयी आवड निर्माण व्हावी या हेतूने सदर कार्यक्रम घेण्यात आला.
प्रास्ताविक विद्यालयाच्या प्रभारी मुख्याध्यापिका एस.ए.अडकमोल यांनी केले. पाहुण्यांचा परिचय एस.व्ही.जावळे यांनी केला. सूत्रसंचालन विद्यार्थी नीरज भारंबे व जान्हवी पाटील यांनी तर ऋणनिर्देशन पर्यवेक्षक एस.पी.पाठक यांनी मानले.
संगणक विभागप्रमुख बी.ए.पाटील, सारिका भारंबे, संगणक विभागातील इतर शिक्षक सुद्धा कार्यक्रमास उपस्थित होते. विद्यालयाचे जेष्ठ विज्ञान शिक्षक बी.बी.जोगी, एस.एस.कापसे, एन.जे.पाटील, सर्व विज्ञान शिक्षक यांच्या परिश्रमातून कार्यक्रम यशस्वीपणे झाला. विद्यालयातील सर्व शिक्षक-शिक्षकेतर कर्मचारी उपस्थित होते.
