Yaval Municipality Election : Rohini Phegde to file nomination tomorrow यावल (16 नोव्हेंबर 2025) : यावल पालिका निवडणुकीसाठी वातावरण तापले असतानाच भाजपातर्फे नगराध्यक्ष पदाचा उमेदवार कोण असणार? याकडे जनतेचे लक्ष लागून आहे. उमेदवारी अर्ज दाखल करण्याचा सोमवार हा अखेरचा दिवस असल्याने यावलमधील रोहिणी उमेश फेगडे या उमेदवारी अर्ज भरणार आहेत. रोहिणी फेगडे हे भाजपाच्या नगराध्यक्ष पदाच्या उमेदवार असतील, अशी सूत्रांची माहिती असलीतरी अद्याप पक्षाच्या सूत्रांकडून त्यास दुजोरा मिळू शकला नाही.
रोहिणी फेगडेंना भाजपाकडून संधी ?
यावल नगरपालिकेच्या नगराध्यक्ष पदासाठी भारतीय जनता पक्षाचे माजी तालुकाध्यक्ष, माजी नगरसेवक व यावल तालुका खरेदी-विक्री सहकारी संघाचे संचालक उमेश फेगडे यांच्या पत्नी रोहिणी उमेश फेगडे या ासोमवारी अधिकृतरीत्या अर्ज दाखल करणार आहेत. भाजपच्या वतीने नगराध्यक्षपदासाठी त्यांचे नाव पुढे असल्याचे पक्षातील सूत्रांकडून समजते.
गेल्या काही दिवसांपासून नगराध्यक्षपदासाठीच्या उमेदवाराच्या नावाबाबत अनिश्चितता असल्याने पक्षातील पदाधिकारी आणि कार्यकर्त्यांमध्ये संभ्रमाचे वातावरण होते मात्र आता रोहिणी फेगडे यांचे नाव पुढे आले आहे.
उमेदवारी अर्ज दाखल करण्याच्या दिवशी मोठ्या संख्येने उपस्थित राहण्याचे आवाहनही पक्षाच्या वतीने करण्यात आले आहे. रावेर मतदारसंघाचे आमदार अमोल हरीभाऊ जावळे, तसेच यावल शहरातील महत्त्वाचे पदाधिकारी, कार्यकर्ते आणि समर्थक यावेळी उपस्थित राहून शक्ती प्रदर्शन करण्याची दाट शक्यता आहे.
