उधना-ब्रह्मपूर अमृत भारत एक्सप्रेस आता त्री-साप्ताहिक ; प्रवाशांच्या सोयीसाठी निर्णय
Udhna-Brahmapur Amrit Bharat Express now tri-weekly; Decision taken for the convenience of passengers भुसावळ (17 नोव्हेंबर 2025) : भारतीय रेल्वेच्या अमृत भारत एक्सप्रेस या प्रवासी-केंद्रीत उपक्रमांतर्गत उधना-ब्रह्मपूर दरम्यान धावणारी गाडी 19021 व 19022 या गाड्यांच्या फेर्‍यांमध्ये वाढ करण्यात आली आहे. आतापर्यंत साप्ताहिक धावणारी ही गाडी बुधवार, 19 नोव्हेंबरपासून त्री-साप्ताहिक धावणार आहे. लांब पल्ल्याच्या प्रवाशांची वाढती मागणी लक्षात घेऊन हा निर्णय रेल्वे प्रशासनाने घेतला आहे. या गाडीमुळे भुसावळ, जळगाव येथील प्रवाशांना लाभ मिळणार आहे.
असे आहे गाडीचे वेळापत्रक
गाडी 19021 उधना ते ब्रह्मपूर अमृत भारत एक्सप्रेस दर रविवार, बुधवार आणि शुक्रवारी उधना येथून सकाळी 7.10 वाजता प्रस्थान करेल. ही गाडी दुसर्‍या दिवशी दुपारी 1.55 वाजता ब्रह्मपूर येथे पोहोचेल तर गाडी 19022 ब्रह्मपूर ते उधना परतीची गाडी ब्रह्मपूर-उधना अमृत भारत एक्सप्रेस दर सोमवार, गुरुवार आणि शनिवार ब्रह्मपूर येथून रात्री 11.45 वाजता सुटेल व तिसर्‍या दिवशी सकाळी 8.45 वाजता उधना येथे दाखल होईल.
गाडीला या स्थानकावर थांबे
बारडोली, व्यारा, नवापूर, नंदुरबार, दोंडाईचा, शिंदखेडा,अमळनेर, धरणगाव, जळगाव, भुसावळ, मलकापूर, अकोला, बडनेरा, वर्धा, नागपूर, गोंदिया, दुर्ग, रायपूर, महासमुद, खरियार रोड, कांटाबांजी, टिटलागढ, केसिंगा, मुनिगुडा, रायगडा, पार्वतीपूरम, बोब्बिली, विजयनगरम, श्रीकाकुलम रोड व पलासा या स्थानकांवर गाडी थांबणार आहे. या गाडीत स्लीपर वर्ग तसेच जनरल सेकंड क्लास कोचची व्यवस्था उपलब्ध असून अधिक प्रवाशांना किफायतशीर, आरामदायी व सुरक्षित प्रवासाचा लाभ मिळणार असल्याचे रेल्वे प्रशासनाने म्हटले आहे.
